Elimizde aýyl sharýashylyǵy kooperasııasynyń damýyna memlekettik qoldaýdyń joqtyǵy, sondaı-aq fermerlerdiń qarjylyq, zańdyq jáne salalyq saýattylyǵynyń tómendigi kedergi keltiredi. Agroqozǵalys ókilderiniń biri Almasbek Sadyrbaıdyń aıtýynsha, shaǵyn fermerler kooperatıvterge birigýdiń tıimdiligin bilmeı otyr.
«Álemdik tájirıbege súıenetin bolsaq, aýyl sharýashylyǵy kooperasııasynyń bereri mol. Mysaly, Germanııada agrokooperasııalar halyqaralyq konsernderge deıin ósti. Osy elde bári kooperasııaǵa negizdelgen, bul úlken artyqshylyq. О́ıtkeni fermerler óz taýarlaryn qaıda satamyn dep alańdamaıdy, barlyǵy bekitilgen shema boıynsha júzege asyrylyp, fermerdiń tabysy ósedi», deıdi sarapshy.
Almasbek Sadyrbaıdyń aıtýynsha, fermerler úshin óz ónimderin ótkizý problema bolyp tur. Sharýashylyqty júrgizýdi jalǵastyrý, shyǵyndardy jabý úshin ónimdi tıimdi satý qajet. Alaıda is júzinde sheshim taba almaǵan aýyl turǵyndary sharýashylyqtan qutylyp, aýyldan kete bastaıdy nemese múldem basqa ispen aınalysady.
«Zańdy tulǵa bolyp sanalatyn kooperatıvte saılanǵan tóraǵamen birige otyryp mundaı máseleler sheshile bastaýy múmkin. Kooperatıv ótkizý naryqtaryn tabady, fermerlerdiń múddesin qorǵaıdy. Al sharýalar ónimdi satý joldaryn izdep qınalmaıdy. Turaqtylyq, senimdilik paıda bolady», deıdi agroqozǵalys basshysy.
Eldegi aýyl sharýashylyǵy kooperasııasynyń baıaý damýy sebepteriniń ishinde sarapshy memlekettik qoldaýdyń, arzan nesıelerdiń joqtyǵyn, jetilmegen salyq saıasatyn aıtyp otyr. Mysaly, aýyl sharýashylyǵy taýaryn óndirýshilerge bólinetin sýbsıdııalar Salyq kodeksinde tabys retinde tirkelgen. Biraq ol sýbsıdııa is júzinde fermerlerdiń shyǵyndaryn óteıdi. Osyǵan baılanysty fermerler kóptegen esepti tapsyrýǵa májbúr.
«Elimizde jeke qosalqy sharýashylyqtar týraly zań da joq. Bul óte mańyzdy jáne agrokooperasııanyń damýyna kedergi keltiredi. О́ıtkeni maqsat – tikeleı shaǵyn fermerlerdi biriktirip, isterin damytý», dep atap ótti agrarshy.
Sarapshynyń aıtýynsha, mysaly, jaıylymdyq kooperatıvter kúshimen zań boıynsha kez kelgen bir eldi mekenge tıesili mal jaıýǵa arnalǵan jerler de qaıtarylýy múmkin ekenin atap ótti.
«Fermerlerdiń aýyl sharýashylyǵy salasyndaǵy saýattylyǵyn arttyrý – óte mańyzdy másele. Onsyz, tipti kúshti memlekettik qoldaý bolsa da, nátıje az bolýy múmkin. Sondyqtan agroqozǵalys sheńberinde biz qarjy, veterınarııa, zootehnıka boıynsha jedeldetilgen onlaın kýrstar ashtyq, mal tuqymdary jáne basqa da negizgi baǵyttar boıynsha bilim berilip jatyr», deıdi Almasbek Sadyrbaı.
Aıta keteıik, Ulttyq statıstıka bıýrosynyń málimeti boıynsha 2021 jyly elimizde 3147 aýyl sharýashylyǵy kooperatıvi bolǵan. Alaıda olardyń arasynda joǵaryda atalǵan sebepterge baılanysty qyzmetteri toqtap qalǵandar barshylyq.
Mádenıet • Keshe
Úzdikter upaıdan shashaý shyǵarǵan joq
Fýtbol • Keshe
Sport • Keshe
Jerlesimiz – úzdikter qatarynda
Fýtbol • Keshe
Eki eldiń ǵana ánurany shyrqaldy
Sport • Keshe
Dástúr • Keshe
Uqsas jańalyqtar
Onlaın 
