Álemniń ár qıyrynan kelgen 10 úzdik oıynshynyń qatysýymen ótip jatqan baıraqty básekeni Bıbisara Asaýbaeva sátti bastaǵan edi. Alǵashqy týrda ol jergilikti sportshy Rameshbabý Vaıshalıden basym tússe, kelesi kezeńde grýzııalyq Nıno Batsıashvılıdi utty. Osy eki jeńisiniń arqasynda qazaq qyzy jarys kestesinde kósh bastady. О́kinishke qaraı, odan keıingi kezdesýinde Bıbisaranyń joly bolmady. Tórtinshi týrda ol osy týrnırde eń joǵary reıtıngke ıe Reseı shahmatshysy Aleksandra Gorıachkınaǵa ese jiberdi. Qara fıgýramen oınaǵan Asaýbaeva 70-shi júriste óziniń jeńilgenin moıyndaýǵa májbúr boldy.
Qazirgi kezde reseılik Polına Shývalova men qytaılyq Chjý Szıner kósh bastap keledi. Tórt kezdesýden keıin olar 2,5 upaıdan jınady. Aleksandra Gorıachkına, Ekaterına Lagno jáne Bıbisara Asaýbaeva úshinshi jáne besinshi oryndardy ózara bólisip tur. Bul shahmatshylar úsh oıynnan ótkizip, eki upaıdy qorjynǵa saldy.
