Jergilikti aýrýhana dárigerleriniń aıtýynsha, ýlanǵan kúni 44 mektep oqýshysy aýrýhanaǵa túsken. Keıbireýleri es-tússiz kúıde ákelingen.
«Balalardyń kóbi 30 naýryzda úıine shyǵaryldy. Bastapqyda jansaqtaý bólimine jatqyzylǵandar jalpy palatalarǵa aýystyryldy. 14 bala áli aýrýhanada jatyr», dep habarlady Osh qalalyq aýrýhanasynyń dárigeri Tamyrlan Ábdiqadyrov.
Aýrýhanaǵa túsken balalardyń barlyǵyna birdeı «belgisiz zattan ýlaný» dıagnozy qoıyldy. Aldyn ala málimet boıynsha, 8-synyp oqýshysy birinshi sabaqtan keıin ózi ákelgen flakonnan kabınetke ıissý sebe bastaǵan. Oqýshynyń áreketi beınebaqylaý kamerasyna túsip qalǵan.
Oqýshy bótelkedegi ónimdi bes mınýttaı shashqan. Sosyn synyptyń terezeleri men esikterin jaýyp tastaǵan. Biraq soǵan qaramastan ıis dálizge taraǵan. Saldarynan birneshe oqýshy zardap shekken. Ýlaný átirden bolǵanyn jábirlenýshilerdiń ózi de rastady. Jappaı ýlaný faktisi polısııaǵa tirkelip, saraptamalar taǵaıyndaldy. Biliktilik kýágerlermen áńgimelesý nátıjesin alǵannan keıin jáne qutydaǵy zatty zerttegennen keıin beriledi.
