QR Premer-mınıstri orynbasarynyń mindetin atqarýshy A.Kólginovtiń tóraǵalyǵymen ótken keńeste múgedektigi bar azamattarǵa arnalǵan ońaltý ortalyqtarynyń qurylys barysy talqylandy, dep habarlaıdy Egemen.kz Úkimettiń baspasóz qyzmetine silteme jasap.
QR Eńbek jáne halyqty áleýmettik qorǵaý mınıstrliginiń derekteri boıynsha 2022 jyly 130 myń adamǵa arnaýly áleýmettik qyzmetter kórsetildi, onyń ishinde 10 myńnan astam múgedektigi bar adamǵa elimizdiń 32 memlekettik ońaltý ortalyǵynda qyzmet kórsetilgen. Alaıda respýblıkada múgedektigi bar adamdardyń jalpy sany 711 myńnan asatynyn eskersek, jańa ońaltý ortalyqtaryn qurý ózekti másele bolyp otyr.
Memleket basshysynyń tapsyrmasy boıynsha 2025 jylǵa deıin elimizdiń 12 óńirinde (Aqmola, Aqtóbe, Atyraý, Abaı, Jetisý, Jambyl, Batys Qazaqstan, Pavlodar, Túrkistan oblystary jáne Almaty, Astana, Shymkent qalalary) árqaısysy 150 oryndyq múgedektigi bar adamdar úshin jańa iri ońaltý ortalyqtaryn salý josparlanǵan.
Ońaltý ortalyqtary ońaltý kezeńinde táýlik boıy múgedektigi bar azamattardy qabyldaıtyn bolady. Jyl saıyn jańa zamanaýı ortalyqtarda óz densaýlyǵyn 1 500–1 800 múgedektigi bar adam jaqsarta alady dep kútilýde.
«Ońaltý ortalyqtarynyń qurylysy óńirlerdiń, onyń ishinde shalǵaıdaǵy eldi mekenderdiń turǵyndarynyń sapaly arnaýly áleýmettik QR Premer-Mınıstri orynbasarynyń mindetin atqarýshy A. Kólginovtiń tóraǵalyǵymen ótken keńeste múgedektigi bar azamattarǵa arnalǵan ońaltý ortalyqtarynyń qurylys barysy talqylandy.qyzmetter alýyna jaǵdaı jasaıdy. Múgedektigi bar myńdaǵan adam densaýlyǵyn nyǵaıtyp, jaǵdaıyn jaqsarta alady. Sondyqtan bul jobalardy iske asyrý jergilikti jáne ortalyq organdar ókilderiniń erekshe baqylaýynda bolýy tıis», dedi Altaı Kólginov.
Eń alǵashqy ońaltý ortalyǵy osy jyldyń basynda Abaı oblysy Semeı qalasynda salynyp, paıdalanýǵa berildi. Jaqyn arada áleýmettik mekemeni kútip-ustaýǵa bıýdjettik ótinim jergilikti máslıhattyń qaraýyna jiberiletin bolady. Kentaý, Taraz jáne Aqtóbe qalalarynda taǵy úsh ońaltý ortalyǵyn bıyl, Batys Qazaqstan oblysynda kelesi jyly, al Aqmola jáne Atyraý qalalarynda 2025 jyly aıaqtaý josparlanyp otyr.
Elimizdiń bes óńirinde – Pavlodar, Jetisý oblystarynda, Astana, Almaty, Shymkent qalalarynda qurylys áli bastalǵan joq. Osyǵan baılanysty A. Kólginov óńir basshylaryna qysqa merzimde daıyndyq jumystarynyń barlyǵyn aıaqtaýdy jáne múgedektigi bar adamdar úshin ońaltý ortalyqtaryn salýǵa bıýdjettik ótinimder berýdi tapsyrdy. QR Qarjy mınıstrligine QR Eńbek jáne halyqty áleýmettik qorǵaý mınıstrligimen birlesip, osy qajettilikterge bıýdjet qarajatyn bólýdi qamtamasyz etý tapsyryldy.
Áleýmettik-mádenı damý komıtetiniń keńeıtilgen otyrysy ótti
Saıasat • Búgin, 11:33
Prezıdent Úndistan Premer-mınıstrine kóńil aıtý jedelhatyn joldady
Prezıdent • Búgin, 11:11
Suńǵat Jubatqan Gran-prı týrnırinde qola júlde aldy
Sport • Búgin, 10:47
3 maýsymǵa arnalǵan valıýta baǵamy
Qarjy • Búgin, 10:37
Álem chempıony Sanjar Táshkenbaı ákesine tosynsyı jasady
Qoǵam • Keshe
«Bolashaq» stıpendııasyna ótinim qabyldaý bastalady
Bilim • Keshe
Uqsas jańalyqtar
Onlaın 
