Kezinde mınıstr, birneshe oblysqa ákim bolǵan saıasatker jelidegi jazbasynda bilim berý salasyna kezdeısoq kelmegenin aıtady.
«Sonaý 2018 jyldyń sáýir aıynda «Jas Qazaq» aqparattyq agenttiginiń betterinde meniń «demalysqa shyqqanda jastarǵa sabaq bersem deımin» degen oıym jaryq kórgen eken. Sol oıymdy 53 jyldyq jumys ótilimdi aıaqtaǵan soń, Memleket basshysy janyndaǵy memlekettik basqarý Akademııasynyń bilim alýshylaryna arnalǵan dáristerimniń aıasynda júzege asyrý týraly sheshim qabyldadym», dep jazdy eks-ákim.
Bul rette Berdibek Saparbaev jazbaǵa baılanysty suraq qoıǵan jeli qoldanýshylaryna jaýap bergen. Eks-ákimniń sózinshe, ol akademııa magıstranttaryna, memlekettik qyzmetshilerge memlekettik qyzmet, halyqpen qarym-qatynas boıynsha dáris beredi. Sondaı-aq onyń jalaqy mólsherine qatysty suraq qoıyldy. Oǵan bergen jaýabynda eks-sheneýnik «zeınetaqym bar, jetkilikti», dep jaýap bergen.
