Qazaqtyń ulan-ǵaıyr atyrabyna aty jaıylǵan ańyz-adamnyń murasy, shyǵarmalary men jeke zattary búginde saqtaýly. Máselen, Ulttyq mýzeıdiń muraǵatynda Balýan Sholaqtyń kise beldigi bar. Bylǵary, kúmis, temir bederlemeden turatyn beldiktiń ólshemi 158 h 25 sm. Qara tústi buqa terisinen tigilip, kúmis shytyralarmen ásemdelgen. Beldiktiń eki salpynshaǵy men sómkesi bar. Shytyra, salpynshaqtary jáne sómkesiniń betine qaralaý ádisimen oıýlar salynǵan.
Ulttyq mýzeıdiń baspasóz qyzmetiniń aıtýynsha, batyrdyń beldigi 2014 jyly Prezıdenttik mádenıet ortalyǵy mýzeıi qorynan kelgen.
Al kise beldiktiń qazirgi kúıi – metaly qaraıǵan, kirlegen, úsh túımeli, shytyrasy joq, syrylǵan, qajalǵan, maıysqan, órnekteri óshken, bylǵarysy qajalǵan, jarylǵan, kógergen.
