Mınıstrdiń aıtýynsha, salyq júktemesin ádil bólýge baǵyttalǵan jumys sheńberinde salanyń basymdyǵy men rentabeldiligine qaraı qosylǵan qun salyǵy jáne korporatıvtik tabys salyǵy stavkalaryn saralaý máselesi pysyqtalady.
«Tarıfti ınvestısııalarǵa aıyrbastaý» qaǵıdatyna sáıkes, tarıftik saıasatty reformalaý sheńberinde elektrmen, jylýmen, sýmen jabdyqtaý jáne sý burý salalaryndaǵy jelilerdiń tozýyn (20%-ǵa deıin) tómendetý jumysy bastaldy. Bul avarııalardyń sanyn azaıtýǵa jáne qyzmet sapasyn arttyrýǵa yqpal etedi. Búgingi tańda tarıfterdi ózgertý jáne qoldanystaǵy ınvestısııalyq baǵdarlamalardy ulǵaıtý úshin quqyqtyq negizder qalyptastyryldy», dedi Ulttyq ekonomıka mınıstri.
Sonymen qatar aýyldyq aýmaqtardy damytýdyń 2023-2027 jyldarǵa arnalǵan jańa tujyrymdamasynda shekara mańyndaǵy aýmaqtardy damytýǵa aıryqsha kóńil bólindi.
«Shekara mańyndaǵy óńirlerdi qosa alǵanda, búkil aýyl halqynyń tabysyn arttyrýǵa baǵyttalǵan quraldardyń biri «Aýyl amanaty» jobasyn iske asyrý bolady. Ol úshin árbir aýyldyq okrýgtiń mamandyǵyn aıqyndaı otyryp, skrınıng júrgizý kerek. Sondaı-aq jeke qosalqy sharýashylyqtarǵa mıkrokredıt berý, servıstik-ótkizý kooperatıvterin qalyptastyrý, tehnıka men jabdyqtyń lızıngin qamtamasyz etý sharalary iske asyrylady», dep atap ótti mınıstr.
