Taraz JEO eks-dırektoryna qatysty isti Ekonomıkalyq tergeý qyzmetiniń ortalyq apparatynyń qyzmetkerleri júrgizip jatyr.
2021 jyldyń jazynda «Tarazenergoortalyq» AQ dırektory Baqbergen Máýlenov pen onyń uly, «Expo energy KZ» JShS dırektory Rahat Búldesh Taraz JEO-ǵa bólingen 2,2 mlrd teńge jymqyrdy degen kúdikpen qamaýǵa alynǵan. Ákesi men balasy jalǵan kelisimsharttar jasap, jymqyrǵan aqshany kompanııalardyń esepshottaryna túsirip otyrǵan. Sonymen qatar bul iske qatysy bar degen kúdikke ilingen taǵy birneshe adam tergelgen.
JEO-nyń burynǵy basshysy bir jarym jyldan astam ýaqyt tergeý ızolıatorynda bolǵan. Keıin aıyptalýshy taraptyń ótinishi qanaǵattandyrylyp, ol kepilge bosatylǵan edi.
