«Astana jastary» jastar resýrstyq ortalyǵynda 2014 jyldan bastap volonterlik qyzmetti damytýmen jáne ony jastar arasynda ilgeriletýmen aınalysatyn arnaıy bólim jumys isteıdi.
«Jańa adam qabyldanbas buryn aldymen «Eriktiler mektebinen» ótedi. Bul balalarǵa volonterlik qyzmettiń kez kelgen túrine daıyn bolýǵa múmkindik beredi. Baǵdarlama el tarıhyn zertteý, alǵashqy kómek kórsetý, ártúrli elderdiń mentalıtetin zertteý, daýly máselelerdi sheshý isin qamtıdy. Kópshilik biletindeı, eriktiler pandemııa kezinde úlken jumys atqardy jáne áli de laıyqty oryndap keledi: ekologııalyq, áleýmettik, medısınalyq, oqıǵa jáne tótenshe jaǵdaılar salasynda kómek kórsetý. Sondaı-aq halyqaralyq, respýblıkalyq, qalalyq konsertter men is-sharalarǵa qatysady», dedi Qaırat Qambarov.
Spıker atap ótkendeı, eriktiler polısııamen, TJM jáne statıstıka departamentimen birlesip reıdter júrgizdi, olardyń aıasynda turǵyndarǵa jylý berý maýsymyndaǵy qaýipsizdik sharalary, kóktemgi sý tasqyny kezinde, shomylý maýsymy kezinde erejeler, koronavırýs ınfeksııasy kezeńinde qoǵamdyq oryndarda ózin ózi qorǵaý sharalary týraly aıtyp berdi. Olar habar-osharsyz ketkenderdi izdestirý boıynsha túsindirý jumysyn júrgizdi, sondaı-aq tyıym salynǵan zattardy satý boıynsha habarlandyrýlardy óshirýge qatysty.
«Úsh jyl qatarynan basqarma «Volonterlik bastamalardy qoldaý úshin shaǵyn granttar» jobasyn iske asyrýda. 2022 jyly 98 qatysýshynyń ishinen 20 jeńimpaz anyqtalyp, 350 myń teńge kóleminde shaǵyn granttarmen marapattaldy. Kóptegen taqyrypqa arnalǵan is-sharalar ótkizildi. Olardyń qatarynda kýrstar, týrnırler, keramıka boıynsha sheberlik synyptary, qummen sýret salý bar. Grant alýshylar Balalar úılerin, Belsendi uzaq ómir súrý ortalyqtaryn, áleýmettik az qamtylǵan otbasylardy qamtıdy. Joba bıyl da iske asyrylatyn bolady. 2022 jyldyń sońynda áleýmettik jáne qoǵamdyq paıdaly mindetterdi sheshýge úles qosqan eriktiler men eriktiler toptaryn, uıymdaryn yntalandyrýǵa baǵyttalǵan Volunteer fest ótti», dep qosty spıker.
Jaqynda Naýryz merekesine oraı bir aıǵa sozylatyn «Júrek jylýy» qaıyrymdylyq aksııasy bastaldy. Is-shara aıasynda halyqtyń áleýmettik az qamtylǵan tobyna kómek kórsetiledi, kópbalaly otbasylardyń, erekshe qajettilikteri bar adamdardyń, zeınetkerlerdiń hattarynda jazǵan ótinishteri men tilekteri oryndalady. Memleket basshysy Qasym-Jomart Toqaev hatty birinshi bolyp oqyp, tilegin oryndady. Bul rette Prezıdent osy ıgi isti bastaǵan jastarǵa alǵysyn bildirdi.
