Syrly sazǵa toly keshte aldymen belgili kúıshi, Qazaqstannyń eńbek sińirgen qaıratkeri Janǵalı Júzbaı jınalǵandarǵa tuǵyrly tulǵanyń shyǵarmashylyǵyna toqtalyp, mazmundy sóz qozǵady. Odan keıin aıtysker aqyn Erkebulan Qaınazarov kúı atasyna arnap, jyrdan shashý shashty.
Jalpy, uly tulǵanyń shyǵarmalarynda ulttyq rýh atoılap turady. Ony tyńdaǵanda ózińizdiń de delebeńiz qozyp, at ústinde shaýyp kele jatqandaı áserlenesiz. О́nertanýshylar Qurmanǵazynyń kúılerin ult tarıhyn áýen tilimen jazǵan epopeıaǵa teńeıdi. Shynynda da, kúıshiniń árbir shyǵarmasynan el ómirine qatysy bar oqıǵalar kóz aldyńyzdan tizbektelip ótip jatady.
Konsertte Qazaqstannyń eńbek sińirgen qaıratkeri Aıtjan Toqtaǵan oryndaǵan kúıshiniń «Aıda bulbul, Aıjan-aı» týyndysyn tyńdarmandar uıyp tyńdady. Sondaı-aq kúı atasynyń «Aqbaı», «Baıjuma», «Qaıran sheshem, «Kúreńshe», «Arba soqqan», Terisqaqpaı» jáne taǵy basqa da shyǵarmalary usynyldy. Sonymen qatar kesh barysynda Qurmanǵazynyń kúılerimen birge basqa da óner tarlandarynyń shyǵarmalary oınaldy. Máselen, Qazaqstannyń eńbek sińirgen qaıratkeri Ǵalym Ahmedııarov tarlan kúıshi Ábiken Hasenovtiń «Qońyryn» sheber oryndady.
Qysqasy, kúı atasynyń shyǵarmashylyǵyn dáriptegen konsertte óner kórsetken Orynbaı Dúısen, Turar Álipbaev, Ábilǵazy Ahmadıev, Marat Núkeev, Edil Basyǵaraev, Baqytjan Dúısenǵazınov, Qaırat Aıtbaev, Almat Saıjan, Batyrlan Ábenov, Jumabek Qadyrqulov, Aqjýsan Imanǵazyqyzy, Baýyrjan Muhametbaı, Baýyrjan Bekmuhanbet, Abylaıhan Ormanbek sekildi ónerpazdarǵa jınalǵan qaýym dán rıza boldy.
