Jıynnyń maqsaty – baspasóz hatshylarynyń kásibıligin jetildirý jáne biliktiligin arttyrý. Ilkimdi iske Aqparat jáne qoǵamdyq damý mınıstrligi, Qazaqstandyq qoǵamdyq damý ınstıtýtynyń «MediaLab» ortalyǵy, AQSh-tyń Qazaqstandaǵy elshiligi jáne «Maqsut Narikbayev University» uıytqy boldy.
– Jalpy, bul qoǵammen baılanys jáne kommýnıkasııa salasynyń mamandaryna arnalǵan ekinshi trenıng. Is-sharaǵa shamamen 50-ge jýyq adam qatysty. Aldaǵy ýaqytta keshendi túrde uıymdastyrý josparlanǵan. Osy jyldyń ekinshi toqsanynda trenıng-kýrs ótkizýdi oılastyrýdamyz. Shyny kerek, respýblıkanyń ózge de óńirlerinen usynystar túsip jatyr. Ony da jan-jaqty qarastyrýdamyz. Taǵy bir aıta ketetini, «MediaLab» ortalyǵy bıyl medıa mamandardyń ıgiligine jaraıdy-aý degen, akademııalyq jáne tanymdyq baǵyttaǵy 6 kitapty aýdarýdy kózdep otyr. Osydan birer kún buryn tanystyrylǵan «Sıfrlyq dáýirdegi baspasóz qyzmeti» kitaby alǵashqysy boldy. Bul kitap qoǵammen baılanys salasynyń mamandaryna arnalǵan nusqaýlyq desek te bolady. О́ıtkeni týyndyda memlekettik organdardyń jumysy týraly durys aqparat berý, mekemeniń ashyqtyǵyn qamtamasyz etý jóninde keńester jazylǵan, – dedi qazaqstandyq qoǵamdyq damý ınstıtýty «MediaLab» ortalyǵynyń basshysy Aqnıet Táýirbaı.
Sheberlik saǵaty baspasóz hatshylarynyń qoǵammen saýatty qarym-qatynas ornatýy, memlekettik mekemelerdiń kommýnıkasııa qyzmetiniń strategııasyn uıymdastyrý, krızıstik jaǵdaılarda jumys isteý, sondaı-aq áleýmettik jelilerde memlekettik organdardyń ımıdjin qalyptastyrýdyń zamanaýı tehnıkalaryn meńgerý syndy baǵyttardy qamtydy.
Trenıngtiń alǵashqy kúninde Margerıt Hoksı Sallıvan habarlama tiliniń túsinikti, naqty bolýy kerek ekenin aıta ótip, aýdıtorııamen durys qarym-qatynas ornatýdyń mańyzyna toqtaldy.
– Baspasóz hatshysy aýdıtorııasynyń kim ekenin naqty bilý kerek. «Aıtylǵan argýmentterge kim qarsy bolady, kim qoldaıdy?», «Usynystarǵa kim kelisedi?» degen suraqtarǵa aldyn ala jaýap izdegeni jón. О́ıtkeni aýdıtorııa usynysqa qarsy argýment aıtýy múmkin, osyndaı jaǵdaıda kommýnıkasııa salasynyń mamany óz oı-pikirin dáleldeı alýy qajet. Sondaı-aq eń bastysy, senim men adaldyqty joǵaltpaý kerek, – dedi spıker.
Otyrysta BAQ ókilderi Margerıt Hoksı Sallıvanǵa «Sizder jýrnalıstermen qalaı jumys isteısizder? Qandaı da bir aqparat kóńilderińizden shyqpasa, alyp tasta dep ótinesizder me?» degen suraqtaryn qoıdy.
– Jumys istep júrgen kezde mende osyndaı bir jaǵdaı boldy. Dosym «The Washington Post» agenttiginde jumys istedi. Oǵan ózime unamaǵan jańalyqty «Dosymsyń ǵoı, aqparatty jarııalamaı-aq qoısań» dep aıtýyma bolar edi. Biraq ondaı áreketke barmadym. Sebebi BAQ erkindigi óte mańyzdy, – dep jaýap berdi spıker.
Budan bólek, jýrnalısterdiń «Qazirgi zamanaýı baspasóz hatshysy qandaı bolýy kerek?» degen saýalyna medıa sarapshy:
– Baspasóz hatshylary BAQ-pen dostyq qarym-qatynasta bolýy múmkin. Alaıda ol birinshi kezekte jumysyna adal bolyp, oǵan jaýapkershilikpen qaraýǵa tıis ekenin umytpaýy qajet. Odan bólek, aýdıtorııaǵa qandaı aqparat jetkizetinin bilgeni abzal. Aqparatty naqty ári durys jetkizý úshin baspasóz hatshylary únemi BAQ-pen tyǵyz qarym-qatynasyn úzbeý kerek, – dep jaýap qatty.
Baspasóz hatshylarynyń biliktiligin arttyrýǵa arnalǵan is-sharanyń ekinshi kúninde AQSh sarapshysy «Krızıstik kommýnıkasııa» taqyryby aıasynda daǵdarys kezindegi eskerý kerek jaǵdaıattar men negizgi erejelerdi aıtty. Margerıt Hoksı Sallıvannyń aıtýynsha, daǵdarys kezindegi kommýnıkasııa salasynyń mamandary qyzmetin 3 kezeńge bólgen durys.
– Daǵdarys kezindegi kommýnıkasııany 3 kezeńge bólip qarastyramyz. Birinshi kezeń – daǵdarysqa deıingi ýaqyt. Bul kezde baspasóz hatshysynyń buqaralyq aqparat quraldarymen tyǵyz qarym-qatynas ornatýy mańyzdy. О́ıtkeni daǵdarys jaǵdaıy bolǵan kezde, resmı ókil ári ketkende 1 saǵattyń ishinde jýrnalıstermen habarlasa alýy kerek. Al ekinshi kezeń – daǵdarys ýaqyty. Bul kezde baspasóz hatshysy oqıǵa bolǵan orynǵa barý kerek. Sondaı-aq keleńsiz jaǵdaıdyń sebep-saldaryn bilmese de, «Qandaı oqıǵa qaı jerde boldy?» degen syndy aqparatty bilgeni durys. Olar «Meniń oıymsha» degen saryndaǵy sózderdi qoldanbaı, naqty aqparat berý kerek, – dedi spıker.
Onyń sózinshe, úshinshi, daǵdarystan keıingi kezeńde, baspasóz qyzmeti artyqshylyqtar pen kemshilikterdi saralap, qorytyndy jasaıdy.
Ýorkshop barysynda qatysýshylar aıtylǵan aqparat pen usynystardy is júzinde qoldanyp, keısterdi taldady. Is-shara beıresmı formatta aıaqtaldy. Qatysýshylar daǵdarys jaǵdaılaryn talqylap, ózderin qyzyqtyrǵan suraqtaryn qoıyp, tájirıbe almasty.
AQSh-tan arnaıy kelgen qonaqty Aqparat jáne qoǵamdyq damý mınıstri Darhan Qydyráli qabyldap, medıasarapshyǵa «Sıfrlyq dáýirdegi baspasóz qyzmeti» kitabynyń avtorlyq quqyǵyn bergeni jáne eki kún boıy ortalyq jáne jergilikti memlekettik organdardyń baspasóz hatshylaryna arnap uıymdastyrylǵan ınteraktıvti semınar-vorkshopqa qatysqany úshin alǵys bildirdi. Kezdesýge AQSh-tyń Qazaqstandaǵy Tótenshe jáne ókiletti elshisi Denıel Rozenblıým de qatysty.
«Qazirgi tańda memlekettik qyzmette halyqpen baılanys jáne strategııalyq kommýnıkasııanyń mańyzy zor ekeni belgili. Soǵan baılanysty mınıstrliktiń bastamasymen Qazaqstandyq qoǵamdyq damý ınstıtýty bazasynda «MediaLab» ortalyǵyn ashqan edik. Onyń alǵashqy is-sharasy ortalyq jáne jergilikti atqarýshy organdardyń baspasóz hatshylarynyń biliktiligin arttyrýǵa arnalǵanyn bilesizder», degen mınıstr belgili kommýnıkasııa mamany Margerıt Sallıvan hanymnyń memlekettik, halyqaralyq úkimettik emes uıymdarda basshylyq qyzmette bolǵan tájrıbeli maman ekenin atap ótti.
