Ishki ister mınıstrliginiń baspasóz qyzmetiniń málimetinshe, Jarqaıyń aýdany Tasty-Taldy aýylynyń turǵyny jarylǵysh zattardy 4 sáýirde tapqan. Aıtýynsha, ol qara metaldy jınaý kezinde arnaıy qurylǵynyń kómegimen shamamen 50 santımetr tereńdikten alyp shyqqan. Oqıǵa týraly er adam birden polısııaǵa habarlaǵan.
Jedel-tergeý toby men saper mamandary dereý jolǵa shyqty. Tabylǵan jarylǵysh zattar, atap aıtqanda, tankke qarsy 3 mına, jaıaý áskerge qarsy 6 mına, F-1 jáne rid-5 modeldi 5 granata tekserilip, olardyń oqý-jattyǵýlyq ekeni jáne ómirge qaýip tóndirmeıtini týraly qorytyndy shyǵaryldy.
