Túrkistandaǵy «О́nerli ólke» festıvali

Túrkistan oblysy má­denıet jáne týrızm bas­qarmasynyń bólim basshysy Muqaǵalı Ken­jetaıuly má­limdegendeı, «О́nerli ól­ke» oblystyq óner fes­tıvaliniń ashylý saltanaty búgin, ıaǵnı 7 sáýir kúni Túrkistandaǵy «Kerýen saraı» kesheniniń aýmaǵy men etnoaýylda ótedi. «Aýdan-qalalardyń óner ujymdary aldyn ala bekitilgen kestege sáıkes ke­zekpen kelip, óner kór­setedi. Alǵash bolyp fes­tıval shymyldyǵyn Saı­­ram aýdanynyń kór­kemónerpazdary ashady. Festıval tórt aıǵa jos­parlanyp otyr. Onda aý­dan-qalalar etnoaýyl­da sýretshiler men qol­óner she­berleriniń jáne aýdan, qalanyń je­tis­tikteri týraly kór­me­ler uıymdastyrady. Qyl­qalam, qolóner she­berlerin qatystyra otyryp sýret salý, qolóner buıymdaryn daıyndaý jumystaryn kórsetedi. Sonymen qa­tar ulttyq salt-dástúr, án-jyr, ádet-ǵurypqa baı­lanysty kórinister de sahnalanady», deıdi ob­lys­tyq Mádenıet jáne halyq shyǵarmashylyǵy or­talyǵynyń dırektory Meıir­jan Nurǵalıuly.

Al aptanyń jeksenbi kúni «Kerýen saraı» tý­rıstik kesheni aýma­ǵynda ár aýdan, qala mere­ke­lik konsert daıyndap, kó­rermenderge usynady. Festıval qory­tyndysy boıynsha úzdik dep ta­nylǵan kórkem­óner­paz ujym­dary jáne án­shi­lerdiń qatysýymen Ga­la-konsert uıym­das­ty­rylyp, jeńimpazdar mara­pattalady.

TÚRKISTAN