2021 jyldyń qańtar-jeltoqsan aılarynda memlekettik bıýdjettiń kirisi bir jylda 9,1% ósip, 15,8 trln teńge bolǵan.
Bul rette memlekettik bıýdjet shyǵysy ótken jyldyń qańtar-jeltoqsan aılarymen salystyrǵanda 19,9% ulǵaıyp, 21,5 trln teńgege jetti. 2021 jyly memlekettik bıýdjettiń shyǵysy 18 trln teńge bolǵan. Bul bir jyl burynǵydan 7,3% artyq. Bul týraly Finprom.kz jazdy.
Kiristiń basym bóligi – 73,3%-y dástúrli túrde salyq túsimderi esebinen alynǵan. Salyq túsimderi bir jylda 38,4% ósip, 14,8 trln teńgege jetti. Onyń ishinde taýarlarǵa, jumystar men qyzmetterge ishki salyqtar 5,8 trln teńge, tabys salyǵy 5,5 trln teńge, halyqaralyq saýda men syrtqy operasııalarǵa salyqtar 2 trln teńge, áleýmettik salyq 1 trln teńge, múlik salyǵy 455,3 mlrd teńge bolǵan.
Salyqtyq emes túsimder bir jylda 41,1% ósip, 584,8 mlrd teńgege jetti. Olardyń basym bóligi memlekettik menshikten túsken kiristerden (338,9 mlrd teńge), sonymen qatar memlekettik bıýdjetten nemese QR Ulttyq bankiniń bıýdjetinen qarjylandyrylatyn memlekettik mekemeler salatyn aıyppuldardan, sanksııalardan, ósimpuldardan (112,8 mlrd. teńge) túsken.
Negizgi kapıtaldy satýdan túsken túsim (239,9 mlrd teńge) qurady. Bul bir jyl burynǵydan 15% artyq. Onyń ishinde memlekettik mekemelerge bekitilgen memlekettik múlikti satýdan 200,2 mlrd teńge, jer ýchaskeleri men materıaldyq emes aktıvterdi satýdan 32,8 mlrd teńge, memlekettik materıaldyq rezervten taýarlardy satýdan 7 mlrd teńge kiris tústi.
2022 jyldyń on eki aıynda transfertterdiń túsimderi bir jylda 1,8% ósip, 4,6 trln teńge bolǵan.
Byltyrǵy on eki aıda memlekettik bıýdjet shyǵysynyń basym bóligi bilim berý salasyna tıesili: 21% nemese 4,52 trln teńge. Bul bir jyl burynǵydan 22,8% artyq. Taǵy 20,9%-y áleýmettik kómek pen áleýmettik qamsyzdandyrýǵa jumsaldy: 4,5 trln teńge, bir jyl burynǵydan 11,6% artyq.
Shyǵynnyń 9,8%-y densaýlyq saqtaý salasyna tústi: 2,1 trln teńge. Bir jyl burynǵy 2,3 trln teńgemen salystyrǵanda, 6,5% az. Shyǵyndardyń bir jylda eń kóp ósimi ónerkásipte (91,8%, 111,4 mlrd teńgege deıin), eń azy turǵyn úı-kommýnaldyq sharýashylyq salasynda (5,9%, 1,3 trln teńgege deıin) baıqaldy.
