«Qyzdyń ata-anasy haıýanattar baǵy ákimshiliginiń BAQ arqyly taratqan eskertýinen qulaǵdar bolyp, mekemege kelgen, keshirim suraǵan. Osydan keıin haıýanattar baǵynyń basshylyǵy olardyń ústinen túsirgen aryzyn keri qaıtaryp aldy. Sondaı-aq qorshaý áınegin qalpyna keltirý shyǵynyn tolyq óteýge daıyn demeýshi de tabyldy», delingen Otyrar.kz taratqan aqparatta.
О́z kezeginde haıýanattar baǵynyń basshylyǵy mundaǵy qarapaıym erejelerdi saqtaýdy suraıdy.
- áınekti urýǵa bolmaıdy;
- janýarlardy tamaqtandyrýǵa, olardy mazaq etip, ashýlandyrýǵa bolmaıdy;
- haıýanattar baǵyndaǵy eskertý belgilerin elep-eskerý qajet.
Aıta ketsek, 5 sáýirde Shymkentte kishkentaı qyz maımyldar otyrǵan qorshaýdyń áınegin syndyryp alǵany habarlanǵan bolatyn. Oqys oqıǵaǵa kýá qyzdyń ata-anasy haıýanattar baǵynan tez ketýge asyqqan. Haıýanattar baǵy basshylyǵy eger eresekterdiń ózderi mekemege kelip, keshirim suramasa, onda qalalyq polısııa departamentine aryzdanatyndaryn málimdedi.
