Is-sharaǵa jetinshi jáne segizinshi shaqyrylymdaǵy oblystyq máslıhat depýtattary, oblystyq basqarmalardyń basshylary, BAQ ókilderi shaqyrylyp, onlaın-translıasııa júrgizildi.
Sondaı-aq otyrysqa Qostanaı oblysy ákimi Q.Aqsaqalov, «Qazaqstan máslıhattary depýtattarynyń birlestigi» RQB tóraǵasy T.Muqashev jáne Qostanaı oblystyq máslıhatynyń tóraǵasy S.Eshanov qatysyp, sóz sóıledi.
Kún tártibine Prezıdenttiń «Ádiletti Qazaqstan: Bárimiz jáne árqaısymyz úshin. Qazir jáne árdaıym» atty Saılaýaldy tuǵyrnamasyn iske asyrý máseleleri shyǵaryldy.
О́z kezeginde osy taqyryp aıasynda «Qazaqstan máslıhattary depýtattarynyń birlestigi» RQB tóraǵasy T.Muqashev baıandama jasady.
«Ádiletti Qazaqstannyń qurylysy», jergilikti halyqtyń ómir súrý jaǵdaıy men sapasyn jaqsartý jónindegi jańa mindettemeler depýtattardyń saılaýshylarmen aradaǵy jumysyn qaıta qurýdy talap etedi. Sonymen qatar saılaýshylar tártibi jáne máslıhatshylardy keri shaqyryp alý ınstıtýttaryn engizýdi iske asyrady. Tıisinshe jańa jaǵdaıda máslıhattardyń negizgi qyzmeti – óz aýmaǵynda sapaly áleýmettik ınfraqurylymdy salý men jóndeýdi uıymdastyrýdan kórinbek. Mysaly, aldaǵy ýaqytta elimizde kóptegen áleýmettik ınfraqurylym nysandary saılaýshylardyń talaby men jergilikti memlekettik baǵdarlamalar negizinde qurylmaq. Degenmen bul ózgeristerdiń barlyǵy máslıhatshylardyń belsendi azamattardy tarta otyryp turaqty monıtorıng pen baqylaý jasaý jaýapkershiligin arttyrady» dep atap ótti RQB tóraǵasy.
Onyń aıtýynsha, bul rette Jańa Qazaqstan máslıhatynyń árbir depýtaty boıynda álemdik kásibı standartqa sáıkes mynadaı qasıetter bolýy tıis:
Aldymen kommýnıkatıvti qabiletterge ıe bolýy qajet:
- memlekettik jáne orys tilderin bilý, tıtýldy ult pen dıasporalardyń tarıhyn, salt-dástúrin, ádet-ǵurpyn bilý, saılaýshylarmen baılanysta únemi ashyq bolý;
- barlyq saılaýshylarmen, úkimettik emes uıymdar ókilderimen, memlekettik organdarmen, bıznespen, quqyq qorǵaý organdarymen jyldam senimdi qarym-qatynas ornata bilý qabileti;
- halyqtyń ártúrli aýdıtorııalaryna, buqaralyq aqparat quraldaryna belgili bir taqyrypta óz oıyn erkin jetkize bilý, suhbattar men baspasóz konferensııalaryn jáne t.b. berý qabileti.
Kelesi basymdyq – uıymdastyrýshylyq qabiletterge ıe bolýy kerek:
- saılaýshylardyń ótinishteri men azamattardyń usynystaryna, óz saılaý okrýgi boıynsha buqaralyq aqparat quraldaryndaǵy synı materıaldarǵa jedel jáne ýaqytyly jaýap berý qabileti;
- belgili bir taqyryp boıynsha halyqpen qoǵamdyq tyńdaýlardy, dóńgelek ústelderdi, komıssııalardyń kóshpeli otyrystaryn jáne t.b. daıyndaý jáne ótkizý qabileti;
Al sońǵysy – syndarly qabiletterge ıe bolýy tıis:
- oblysta, qalada, turǵyndar arasynda jáne BAQ-ta joǵary ıntellektýaldyq, adamgershilik bedelge ıe bolýy kerek;
- qajetti quqyqtyq, bıýdjettik jáne qarjylyq, psıhologııalyq, saıası bilimder men daǵdylarǵa ıe bolýy shart jáne olardy qoldana bilýi tıis;
- óziniń ákimshilik aýmaǵynyń – aýdan, qala nemese oblys ekonomıkasy men áleýmettik salasyn, jer, ekologııalyq, tabıǵı resýrs, kólik, energetıka jáne basqa da sharýashylyǵyn, óz aýmaǵyndaǵy demografııalyq jáne ulttyq jaǵdaıdy bilýi kerek;
- depýtattyq jumys úshin jeke kitaphanany paıdalaný, kitaphanalarǵa, konferensııalarǵa, kórmelerge barý, ardager-depýtattar arasynan shyqqan tálimgerlerdiń kómegimen, sarapshylarmen jáne maman ǵalymdarmen kezdesýler, apparattyq oqytý, kásibı oqý-ádistemelik basylymdarǵa jazylý arqyly ózin-ózi úzdiksiz kásiptik oqytý men damytýdy uıymdastyrý negizinde óz bilimin úzdiksiz jańartý.
Odan bólek spıkerler óńirdegi saılaý aldyndaǵy baǵdarlamany iske asyrý boıynsha júrgizilip jatqan jumystar týraly habardar etti.
Jıyn barysynda T.Muqashev «Qazaqstan máslıhattary depýtattarynyń birlestigi» RQB atynan belsendi depýtattyq qyzmeti jáne el men oblystyń áleýmettik-ekonomıkalyq damýyna qosqan eleýli úlesi úshin birqatar óńirlik máslıhat depýtattaryn «Qurmetti depýtat» tósbelgisimen jáne gramotamen marapattady.
Aıta keteıik, otyrys qorytyndysy boıynsha byltyr 24 jeltoqsanda Aqtóbede qabyldanǵan, keshegi jalpyeldik saılaý naýqany aldynda Shymkent pen Túrkistanda alqalanǵan Qazaqstan Respýblıkasy Prezıdentiniń Saılaýaldy baǵdarlamasyn qoldaý jáne júzege asyrý jónindegi barlyq deńgeıdegi máslıhat depýtattarynyń birlesken Úndeýi kezekti ret qoldaý tapty.
