Qazaqstan terrıtorııasy boıynsha aýa raıynyń sınoptıkalyq ahýaly men qaýipti qubylystarynyń 9 sáýirge arnalǵan boljamy:
Respýblıka aýmaǵynyń basym bóligi atmosferalyq frontaldy bólikterdiń yqpalynda bolady, osyǵan baılanysty turaqsyz aýa raıynyń sıpaty kútiledi, elimizdiń ońtústik-batysynda, shyǵysynda, Qazaqstannyń ońtústik-shyǵysyndaǵy taýly aýdandarda jańbyr men qar aralas jaýyn-shashyn bolady, ońtústik-shyǵys óńirdiń taýly aýdandarynda keıde qatty jaýyn-shashyn jaýady. Elimizdiń tek soltústigi, soltústik-batysynda jáne ortalyǵynda jaýyn-shashynsyz aýa raıy kútiledi. Respýblıkamyz boıynsha qatty jel turady dep boljanady, elimizdiń soltústiginde, shyǵysynda – tuman, ońtústiginde, ońtústik-batysynda, ońtústik-shyǵysynda naızaǵaı oınaıdy.
Almaty oblysynyń taýly aýdandary men taý bókterinde, Jetisý oblysynyń taýly aýdandarynda qatty jaýyn-shashyn (jańbyr, qar) bolady, túnde ortalyqta, kúndiz Mańǵystaý oblysynyń ońtústiginde qatty jańbyr jaýady dep boljanady.
Túnde elimizdiń soltústiginde, Jetisý oblysynyń taýly aýdandarynda synap baǵany 2 gradýsqa deıin tómendep, úsik júredi.
