Áleýmettik jelide jasóspirimdi belgisiz azamattardyń uryp-soǵyp jatqany beıgelengen vıdeo jarııalanǵan edi. Osy maqsatta Qazaly aýdandyq polısııa bólimi qosymsha tekserý men áleýmettik jelilerde monıtorıng júrgizdi.
Jasóspirimdi uryp-soqqan 5 oqýshy anyqtalyp, aýdandyq polısııa bólimine jetkizildi.
Jaraqat alǵan jasóspirimniń jaǵdaıy jóninde oblystyq densaýlyq saqtaý basqarmasy aıtyp berdi.
6 sáýirde saǵat 16:00 shamasynda Qyzylorda oblysy Qazaly aýdanynda 15 jastaǵy jasóspirim jedel járdem brıgadasy arqyly aýdandyq kópbeıindi ortalyq aýrýhanasyna jetkizilgen.
«Aýrýhananyń qabyldaý bóliminde tekserilip, bas mı soǵylý klınıkasymen hırýrgııa bólimine jatqyzylǵan. 8 sáýirde saǵat 10:35-te ata-anasynyń ótinishimen Qazaly aýdandyq temirjol aýrýhanasyna aýystyryldy. Tıisti medısınalyq kómek uıymdastyryldy. Bas súıeginiń rentgenografııasy, kompıýterli tomografııaǵa túsirildi. Sondaı-aq ish qýysynyń, búırek ýltradybystyq zertteýleri júrgizildi. Nevrolog, okýlıst mamandary naýqastyń densaýlyǵyn tekserdi. Jalpy jaǵdaıy turaqty. Oblystyq medısınalyq avıasııa arqyly sala mamandarynan keńes alynyp, emine korreksııa jasaldy. Qazir naýqas dárigerlerdiń baqylaýynda», dedi basqarmadan.
