Týrnırdiń ashylý kúni qazaqstandyq balýandardyń qorjyny bir kúmis jáne úsh qola júldemen tolyqty. Nursultan Tursynov 87 keli salmaqta fınalǵa shyqqan jalǵyz qazaq balýany atandy. О́kinishke qaraı, kilem ıesi Qazaqstan astanasynda chempıondyq ataǵyn qorǵaǵan 2022 jylǵy Azııa chempıonatynyń jeńimpazy ırandyq Nasser Gasım Alızadeden jeńilip qaldy.
55 kelige deıingi salmaqta úshinshi oryn úshin ótken beldesýde qazaqstandyq Amanǵalı Bekbolatov pen Sardarbek Konýshbaev (Qyrǵyzstan) kezdesip, balýanymyz myqtyraq bolyp shyqty – 9:0.
Taǵy eki qola medal 63 keli jáne 130 keli salmaq dárejesinde kilem ıelerine buıyrdy. Muhamedáli Mamyrbek pen aýyr salmaqtaǵy Álimhan Syzdyqov erekshelendi.
Sáýirdiń 10-y kúni 2023 jylǵy Azııa chempıonatynda grek-rım kúresinen basqa salmaq dárejeleri boıynsha aldyn ala beldesýler ótedi.
