Aýyl sharýashylyǵy mınıstrligi fermerlerden kelip túsken ótinishterge baılanysty kelesini túsindiredi: erejege sáıkes, gosagro.kz portalynda mıneraldy tyńaıtqyshtardy sýbsıdııalaýǵa ótinimder qabyldaý 1 aqpannan 1 jeltoqsanǵa deıin, al pestısıdterdi sýbsıdııalaý 1 sáýirden 1 jeltoqsanǵa deıin júzege asyrylady.
Sonymen qatar, ótinimdi berý úshin jyl saıyn jergilikti atqarýshy organdardyń qaýlylarymen bekitiletin sýbsıdııalardyń tizbeleri men normalaryn bekitý qajet.
Búgingi tańda tyńaıtqyshtardy sýbsıdııalaý baǵdarlamasy boıynsha ótinimder tek Aqmola, Jambyl, Jetisý, Pavlodar jáne Túrkistan oblystarynda qabyldanady jáne tólemder júzege asyrylady. Aldaǵy kúnderi Aqtóbe, Shyǵys Qazaqstan, Qostanaı jáne Qyzylorda oblystarynda ótinimderdi qabyldaý bastalady. Qalǵan óńirlerde ákimdikter qaýlylardy áli qabyldaǵan joq.
Pestısıdterdi sýbsıdııalaý baǵdarlamasyn ashýǵa keletin bolsaq, búginde Qostanaı oblysynyń ákimdigi ǵana tıisti qaýly qabyldaǵan, 18 sáýirden bastap osy óńirde ótinimderdi qabyldaý bastalady. Bul rette, mınıstrlik normalardy osy jyldyń aqpan aıynda kelisken bolatyn.
Osylaısha, sýbsıdııalaý baǵdarlamalaryn iske qosýdyń jalǵyz tejeýshi faktory - jergilikti atqarýshy organdardyń bekitilgen qaýlylarynyń bolmaýy bolyp otyr.
