Jańaózen qalasyndaǵy «BerÁli Mańǵystaý Company» JShS-niń 100-ge jýyq qyzmetkerine jumys berýshiler 3 sáýirden bastap jumystan shyǵarý prosesi bastalatynyn aldyn ala habarlaǵan. Oǵan «О́zenmunaıgaz» AQ-men aradaǵy uńǵymalardy jerasty jóndeý jónindegi shart merziminiń aıaqtalýy sebep bolyp otyr. Alaıda qyzmetkerler ózderin odan ári jumysqa ornalastyrý máselesin, onyń ishinde «О́zenmunaıgaz» AQ-nyń shtatyna aýystyrý arqyly sheshýdi talap etip otyr.
Osyǵan baılanysty kompanııanyń burynǵy jumyskerlerine 2023 jylǵy 1 sáýirden bastap eńbek jaǵdaılary men áleýmettik paketi saqtalǵan jáne ortasha jalaqysy 700 myń teńgeni quraıtyn basqa kompanııalarǵa («Kezbı» JShS jáne «Ai-Bis» JShS) jumysqa ornalasý usynyldy. Biraq burynǵy jumyskerler odan bas tartyp, «О́zenmunaıgaz» AQ shtatyna jumysqa ornalasqysy keletinderin alǵa tartqan.
QR Energetıka mınıstrligi bul másele eńbek zańnamasy men «Samuryq-Qazyna» UÁQ» AQ satyp alý qaǵıdaryn eskere otyryp, zańnamalyq negizde sheshilýi tıis dep sanaıdy.
