Elimiz ben Eýropa odaǵy arasynda jańa kelisim jasalmaq

ASTANA. 4 shilde. Qazaqstan men Eýropa odaǵy 1995 jyly qol qoıylǵan áriptestik jáne yntymaqtastyq týraly kelisimdi qaıta qarap, ony jańartýǵa múddeli. Syrtqy ister mınıstrligi osylaı dep málimdedi. Bul týraly  today.kz habarlady. Habarlamada kórsetilgendeı, Brıýsselde 30 maýsym men 1 shilde aralyǵynda Qazaqstan men Eýropa odaǵy áriptestigi men yntymaqtastyǵyn keńeıtý týraly jańa kelisimge qatysty kelissózderdiń jetinshi kezeńi aıaqtalǵan. Jańadan túzilgeli otyrǵan bul kelisimde qaýipsizdik jáne quqyq salasyndaǵy yntymaqtastyqty, sondaı-aq, ózara saýda jáne ınvestısııalyq, ekonomıkalyq jáne gýmanıtarlyq baılanystardy damytý qamtylǵan. Keltirilgen málimetke qaraǵanda, Eýropa odaǵynyń elimizge qalyptasyp úlgergen aımaqtyq derjava retinde strategııalyq qyzyǵýshylyǵy artyp otyr. Ekijaqty kelissózderdiń sońǵy kezeńi qyrkúıek aıynda Astanada ótedi dep kútilýde. Joldybaı Bazar. Derekkóz: today.kz. Foto: today.kz.