Eńbek jáne halyqty áleýmettik qorǵaý mınıstrliginiń málimetinshe, 2021 – 2025 jyldarǵa arnalǵan Kásipkerlikti damytý jónindegi ulttyq jobaǵa 222,5 myń adam qatysyp, 152,2 myń adam jumysqa ornalasty, onyń 48,8 myńy turaqty jumysqa ornalasqan.
Sondaı-aq Sýbsıdııalanatyn jumys oryndaryna 103,4 myń adam ornalastyryldy. Onyń ishinde áleýmettik jumys oryndarymen 12,1 myń adam, jastar praktıkasymen 5,8 myń adam, qoǵamdyq jumystarmen 76 myń adam, «Alǵashqy jumys orny» jobasy aıasynda 2,1 myń adam, «Urpaqtar kelisimsharty» jobasy aıasynda 66 adam, «Kúmis jas» jobasy aıasynda 7,4 myń adam jumyspen qamtyldy.
Eńbek naryǵynda suranysqa ıe daǵdylar boıynsha onlaın oqytýmen 14 myń jumyssyz qamtyldy, onyń ishinde 12,4 myńy oqýdy aıaqtady.
Sondaı-aq «Bastaý Bıznes» jobasy boıynsha kásipkerlik negizderine oqytý 53,6 myń adamly qamtydy, onyń ishinde 39,6 myń adam oqýdy aıaqtap, sertıfıkattar aldy.
Sonymen qatar qyzmet salasyn tańdaý maqsatynda 40,9 myń adam áleýmettik kásiptik baǵdarlaýdan ótti.
