El men jerdiń tiregi

Elbasynyń týǵan kúnine arnaý Qazaqty aqyn halyq deımiz. Bir aýyz óleń qurastyra almaıtyn qazaq joq deımiz. Sol sózdiń rastyǵynyń taǵy bir aıǵaǵy – redaksııaǵa taıaýda túsken myna shýmaqtar. Bul shýmaqtar qazaq ónerindegi jaryq juldyzdardyń biri – Qazaqstannyń halyq ártisi Zámzágúl Sháripovanyń qalamynan shyǵypty. Tórt aıaǵy teń josylǵan jorǵa joldar emes, árıne. Kórkemdik kestesi kemdeý. Bir tusta uıqasy álsizdeý soǵyp qalady. Taǵy bir tusta býyny tolmaı qalady. Áıtse de, osy kúıinde de, oqyrman nazaryna usynýǵa bekinip otyrmyz. О́ıtkeni, munda ataqty aktrısanyń jan-júregin jaryp shyqqan aq tilegi bar, el baǵyna týǵan tulǵa úshin maqtanysh sezimi bar, halqymyzdyń búgingi bıigine qýanyshy bar. Osyndaı aqtarylǵan kóńil-kúı myń-myńdaǵan oqyrmandarymyzǵa ortaq dep bilemiz. Altysynda shildeniń Týǵan kúni Elbasynyń! Bile bilseń, qazaǵym, Nursultan seniń asylyń. Sóılegende sezgendeısiń Naızaǵaıdyń jasynyn! Kelgennen bul ómirge joq qoı mini. Sharlap ketti álemge – Onyń úni! Halyqtyń baǵy bolǵan alyp tulǵa, Týǵan elin kóterdi asqar shyńǵa. Bıikke táýelsizdik týyn tigip, Ańyz bop qosyldy aty óleń-jyrǵa! Qyzmet etip eline, Halqynyń boldy panasy. Osy tulǵa qazaqtyń has danasy, Qaıtalanbas darasy! Qosyldy jyrǵa taǵy da Jaraldy halyq baǵyna. Búkil halyq tirek boldy Myzǵymaıtyn taǵyna! El men jerdiń tiregi, Birge soqqan júregi. Jasasyn uzaq Elbasy – Bar halyqtyń tilegi! Qazaqstan Respýblıkasynyń  halyq ártisi  Zámzágúl Núsipbaıqyzy ShÁRIPOVA. Almaty.