Ulttyq ekonomıka birinshi vıse-mınıstri Tımýr Jaqsylyqovtyń málimetinshe, 2023 jylǵy 1 naýryzdaǵy jaǵdaı boıynsha respýblıkada 2 910 orta kásipkerlik sýbektisi bar. Olardyń IJО́-degi úlesi – 6,3%.
Bul kásiporyndarda shamamen 380 myń adam jumyspen qamtylǵan.
VIII saılanǵan Parlamenttiń birinshi sessııasynyń ashylýynda Memleket basshysy aldaǵy jyldary orta bıznestiń básekege qabilettiligin arttyrý mindetin qoıdy. Osyǵan baılanysty QR UEM memlekettik satyp alý salasyn qosqanda, orta kásipkerlikke qatysty retteý rásimderin jeńildetý, salyq tóleýge yntalandyrý, ınvestısııalyq belsendilikti arttyrý, ákimshilik júktemeni azaıtý jáne orta kásipkerlikti qoldaýdy keńeıtý jóninde sharalar usyndy.
Premer-mınıstr negizinen atalǵan tásilderdi maquldap, jańa bastamalardy ázirleý prosesine bıznes-qoǵamdastyqty belsendi túrde tartýdyń mańyzyn atap ótti.
«Biz bul usynystar boıynsha, birinshi kezekte bıznestiń usynystaryn eskere otyryp, jaqsylap jumys isteýimiz kerek. Olardy muqııat zerdelep, zańnamaǵa, sondaı-aq memlekettik organdardyń salalyq baǵdarlamalaryna tıisti ózgerister engizý qajet», dedi Álıhan Smaıylov.
