Premer-mınıstr Álıhan Smaılovtyń tóraǵalyǵymen Ekonomıkany demonopolızasııalaý jónindegi komıssııanyń kezekti otyrysy ótti. Oǵan ortalyq memlekettik organdar, Bas prokýratýra, Sybaılas jemqorlyqqa qarsy is-qımyl agenttigi, Básekelestikti qorǵaý jáne damytý agenttigi, Qarjylyq monıtorıng agenttigi jáne taǵy basqa vedomstvo basshylary qatysty.
Qatysýshylarǵa «Astana qalasynyń aqyly avtoturaq keńistigin qurý, paıdalaný jáne basqarý» jobasy týraly aqparat berildi. Jobany júzege asyrý úshin elorda ákimdigi 2018 jyly «Astana avtoturaq keńistigi» JShS kompanııasymen MJÁ kelisimshartyna otyrǵan.
Talqylaý qorytyndysy boıynsha ýákiletti memlekettik organdarǵa atalǵan kelisimshartty respýblıka zańnamasynyń normalaryn saqtaý, onyń ishinde monopolııaǵa qarsy retteý turǵysynan taldaý tapsyryldy.
Sonymen qatar otyrysta energetıka salasyndaǵy jekelegen nysandardy memleket menshigine qaıtarý jáne qatty paıdaly qazbalardy barlaýǵa birqatar lısenzııa berýdiń zańdylyǵy máseleleri qaraldy.
