Otyrys barysynda TMD sheńberindegi ózara is-qımyldyń jaı-kúıi men perspektıvalary, sondaı-aq Dostastyq alańynda kópjaqty yntymaqtastyqty jandandyrý boıynsha praktıkalyq usynystar qaraldy.
О́ńirlik jáne halyqaralyq kún tártibindegi ózekti máseleler boıynsha jan-jaqty pikir almasý ótti. «Qazaqstan túrli salalardaǵy Dostastyq keńistigindegi ıntegrasııalyq prosesterdi jandandyrýǵa jáne tereńdetýge umtylady», dedi M. Nurtileý.
Qazaqstan SIM basshysy otyrysqa qatysýshylardy elimizdiń TMD sheńberindegi yntymaqtastyqty odan ári damytý tásilderi týraly habardar etti. О́tken jyldyń qazan aıynda Astanada ótken TMD sammıtinde usynylǵan Qazaqstan Respýblıkasynyń bastamalaryn iske asyrý máselelerine erekshe nazar aýdaryldy.
Otyrysqa qatysýshylar saıası jáne mádenı-gýmanıtarlyq salalardaǵy ózara is-qımyldy nyǵaıtýǵa baǵyttalǵan birqatar sheshim qabyldady.
