Endi kartalardyń jáne uıymdar anyqtamalyǵynyń derekteri qazaq tiline aýdarylady. Munyń arqasynda 2GIS-te dúkenderdi, dárihanalardy, qoǵamdyq tamaqtaný oryndaryn, mádenıet mekemelerin, kórikti jerlerdi jáne basqa da oryndardy Qazaqstannyń memlekettik tilinde de izdep tabýǵa bolady. Aqtaý, Aqtóbe, Almaty, Astana, Atyraý, Qaraǵandy, Kókshetaý, Qostanaı, Qyzylorda, Pavlodar, Petropavl, Semeı, Taraz, Túrkistan, Oral, О́skemen, Shymkent jáne t.b. sııaqty Respýblıkanyń 41 qalasy men 1245 eldi mekeniniń anyqtamalyq derekteri men kartalary aýdaryldy.
«Jumys barysynda anyqtamalyq qurylymyn aýdarýǵa Qazaqstan Respýblıkasy Ǵylym jáne joǵary bilim mınıstrliginiń mamandary kómektesti, keıin derekterdi egjeı-tegjeıli pysyqtaýǵa biz kompanııadan tys basqa kásibı aýdarmashylardy qostyq», deıdi 2GIS-tiń Anyqtamalyq-kartografııalyq óndiris jónindegi dırektory Elena Tolkacheva.
Qosymsha aldaǵy ýaqytta testileýden ótetin bolady.
«Elimizdiń iri qalalary men aglomerasııalarynyń anyqtamalyǵy men kartalary aýdaryldy. Endi biz jańartylǵan servısti ashyq testileýge kirisemiz. Biz paıdalanýshylardyń keri baılanysyn qýana qabyldaıtyn bolamyz. Ony qate týraly habarlar arqyly qosymshanyń ózinde nemese 2gis.kz saıtynda qaldyrýǵa bolady. Mundaı habarlar qazaq tilinde izdeý men servıstiń basqa da fýnksııalarynyń jumysyn jetildirip, bolashaqta aýdarmany tolyqtyrýǵa kómektesetin bolady», dedi ol.
