«Almaty oblysy ákiminiń ókimimmen, QR Prezıdenti Ákimshiliginiń kelisimimen Nurlan Erǵalıuly Ábdirahym Almaty oblysy ákiminiń birinshi orynbasary laýazymyna taǵaıyndaldy», delingen habarlamada.
Nurlan Erǵalıuly 1980 jyly týǵan, qazaq, bilimi joǵary, 2001 jyly «Qaınar» ýnıversıtetin zańger mamandyǵy boıynsha bitirgen.
2016 jyly Qazaqstan Respýblıkasy Prezıdenti janyndaǵy Memlekettik basqarý akademııasynyń Ulttyq memlekettik saıasat mektebi «Saıasattaný» mamandyǵy boıynsha áleýmettik bilim magıstri akademııalyq dárejesin alǵan.
Ár jyldary «Astanaenergoservıs» AAQ tutynýshylarmen jumys jónindegi qyzmettiń jeke tulǵalarǵa qyzmet kórsetý bóliminiń №2 abonenttik ýchaskesiniń baqylaýshysy, «Qazaqstan Respýblıkasynyń Zańnama ınstıtýty» JAQ taǵylymdamashysy, Qazaqstan Respýblıkasy Ádilet mınıstrliginiń Zańnama departamentiniń jetekshi mamany, bas mamany, bólim bastyǵy, basqarma bastyǵynyń orynbasary, dırektorynyń orynbasary, Normatıvtik quqyqtyq aktilerdi tirkeý departamentiniń dırektory, Zańǵa táýeldi aktiler departamentiniń dırektory, Zııatkerlik menshik quqyǵy komıtetiniń tóraǵasy, Qazaqstan Respýblıkasy Ádilet mınıstri keńesshisiniń mindetin atqarýshy bolyp qyzmet atqarǵan.
2012-2019 jyldary Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bóliminiń memlekettik ınspektory, 2019-2021 jyldary Qazaqstan Respýblıkasy Prezıdenti Ákimshiliginiń memlekettik ınspektory laýazymdarynda bolǵan.
2021 jyldyń mamyr aıynan bastap Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bólimi meńgerýshisiniń orynbasary qyzmetin atqaryp kelgen.
«Qurmet» ordeniniń ıegeri.
