Qazaqstan Respýblıkasy Syrtqy ister mınıstrliginiń Konsýldyq qyzmet departamenti dırektorynyń orynbasary Ǵabıden Temirbekov Vetnam Sosıalıstik Respýblıkasynyń Syrtqy ister mınıstrligi Konsýldyq departamentiniń dırektory Lıýong Tan Kýanmen beınekonferensııa formatynda kelissózder ótkizdi.
Ǵ. Temirbekov Vetnam tarapyna Qazaqstan Syrtqy ister mınıstrliginiń Ońtústik-Shyǵys Azııa óńirimen túrli salalardaǵy baılanystardy odan ári tereńdetý nıeti týraly aıtty jáne úkimetaralyq qujattarǵa qol qoıý onyń tikeleı rastaýy bolyp tabylatynyn jetkizdi.
Lıýong Tan Kýan eki el arasyndaǵy qarym-qatynasta tańdalǵan baǵyttyń mańyzdylyǵyna nazar aýdardy jáne halyqaralyq shartty tez arada kelistirýge bar kúshin salýǵa daıyn ekenin aıtty.
