Sıfrlyq damý, ınnovasııalar jáne aeroǵarysh ónerkásibi mınıstrliginiń málimetinshe, sıfrlyq ańshy kýáligin Qazaqstan aýmaǵynda jeke tulǵanyń ań aýlaý quqyǵyn kýálándyrý úshin paıdalanýǵa bolady. Atalǵan qujat 2023 jyldyń qańtarynan bastap ony rásimdegen azamattar úshin qoljetimdi.
«Jańa sıfrlyq qujatty tabý úshin eGov Mobile qosymshasynda avtorızasııadan ótip, basty bettegi «Sıfrlyq qujattar» bólimindegi «Ańshy kýáligine» basý qajet. Sıfrlyq qujat - túpnusqa qujattyń balamasy», delingen vedomstvo habarlamasynda.
Aıta keteıik, qazir eGov mobile mobıldi qosymshasynyń «Sıfrlyq qujattar» servısinde 24 qujat bar. Atap aıtqanda, jeke kýálik, QR azamatynyń pasporty, júrgizýshi kýáligi, vaksınasııa pasporty, PTR testi, týý týraly kýálik jáne taǵy basqalary. Barlyq sıfrlyq qujatty talap etý orny boıynsha usynýǵa bolady.
