Onyń aıtýynsha, Jyl saıyn elimizde 10-15 myń jol-kólik oqıǵasy tirkeledi.
«Jylyna elimizde 10-15 myń jol-kólik oqıǵasy tirkelse, saldarynan 2 myńǵa jýyq adam qaıtys bolady. Sońǵy 30 jylda jol apatynan kóz jumǵandardyń sany Aýǵan soǵysynan qaza tapqan áskerlerdiń sanynan tórt ese asyp otyr. Jol apaty saldarynan týyndaıtyn ekonomıkalyq shyǵynnyń kólemi jalpy ishki ónimniń úsh paıyzyn quraıdy. О́kinishtisi, jol apatynan qaza tapqandardyń sany jyl saıyn ósip keledi», dedi depýtat.
Sarapshylardyń paıymdaýynsha, mundaı oqıǵalarynyń kóbeıýine emtıhan tapsyrmaı-aq júrgizýshi kýáligin esh kedergisiz op-ońaı satyp alý múmkindigi sebep bolyp otyr. Ondaı emtıhandy merdiger kompanııanyń qyzmetkerleri de, mamandandyrylǵan halyqqa qyzmet kórsetý ortalyqtary da usynyp júr. Jyl saıyn jol erejeri emtıhanyn tapsyrýshylardyń sany orta eseppen 420 myń adamdy qurasa, eń tómengi jobamen olardyń 10 paıyzy, ıaǵnı 42 myń adam kýálikti satyp alady. Odan túsken qarajattyń kóleńkeli aınalymy jyl saıyn 8 mlrd teńgeden asady.
Júrgizýshi kýáligin alý kezinde sybaılas jemqorlyqqa jol berilgendikten bul memlekettik qyzmet túrin Azamattarǵa arnalǵan úkimet memlekettik korparasııasy quzirettiligi aıasynda alyp tastaý usynylady. Sonymen qatar Ishki ister, Sıfrlyq damý mınıstrlikteri, Memlekettik qyzmet isteri jáne Sybaılas jemqorlyqqa qarsy is-qımyl agenttikteriniń qatysýymen keńesshi organ quryldy.
Aıta keteıik, buǵan deıin Memleket basshysy Qasym-Jomart Toqaev adam ólimine ákelip soǵatyn jol kólik oqıǵalaryn azaıtýǵa jáne osyǵan jol beretin sybaılas jemqorlyqty joıýǵa baǵyttalǵan júıeli sharalardy qabyldaýdy tapsyrǵan edi.
