Zardap shekken balaǵa 19 ota, atap aıtqanda, 13 ret terini aýystyrý operasııasy jáne 6 nekrektomııa jasalǵan.
Denesi tolyq kúıip qalǵan bala shamamen 3 aı boıy qalalyq balalar klınıkalyq aýrýhanasynyń reanımasııa bólimshesinde jatty.
Shymkent qalasyndaǵy balalar klınıkalyq aýrýhanasynyń kombýstıolog dárigeri bul jaǵdaı týraly egjeı-tegjeıli aıtyp berdi.
«Naýqas aýrýhanaǵa 2022 jyldyń 9 qarashasynda óte aýyr jaǵdaıda tústi. Balanyń 65 paıyz denesin kúıik shalǵan. Bizdiń aýrýhanada emdelgen balanyń qazirgi jaǵdaıy birshama jaqsardy», deıdi ol.
Dárigerdiń aıtýynsha, aýrýhanadaǵy bilikti mamandar balanyń saýyǵyp ketýi jáne oń nátıjelerge qol jetkizýi úshin qoldan kelgenniń bárin jasap jatyr.
