Jol apaty Túrkistan oblysy Otyrar aýdanynyń Tórtkól-Sháýilder-Túrkistan-Kentaý tas jolynda bolǵan. Nexia markaly avtomobıl men júk avtokóligi soqtyǵysqany anyqtaldy.
Apat saldarynan Nexia júrgizýshisi men onyń eki jolaýshysy oqıǵa ornynda kóz jumdy. Sonymen qatar osy avtokóliktiń bir jolaýshysy dene jaraqattarymen aýrýhanaǵa jetkizildi.
Atalǵan fakti QR Qylmystyq kodeksiniń 345-baby «Kólik quraldaryn basqaratyn adamdardyń jol júrý nemese kólik quraldaryn paıdalaný erejelerin buzýy» boıynsha tirkeldi. Saraptama taǵaıyndaldy, barlyq jaǵdaılar anyqtalyp jatyr.
«Tártip saqshylary júrgizýshiler men oblys turǵyndaryn jol qozǵalysy erejeleri men jol belgileriniń talaptaryn saqtaýǵa, jyldamdyqty asyrmaýǵa jáne óz ómiri men jolaýshylardyń ómirin saqtap qalý úshin qaýipsizdik sharalaryn qatań qoldanýǵa shaqyrady», dedi Otyrar aýdany polısııa bólimi bastyǵynyń mindetin atqarýshy Medet Bóribekov.
