Bıznestiń Eýrazııalyq ekonomıkalyq odaq aıasynda damýy talqylandy

ASTANA. 9 shilde. Petropavl qalasynda Eýrazııalyq ekonomıkalyq odaq kóleminde shaǵyn jáne orta bıznestiń básekege qabilettiligin arttyrý jóninde óńiraralyq bıznes-forým ótti. Bul týraly Strategy2050.kz habarlady. Atalǵan jıynǵa Soltústik Qazaqstan, Qostanaı, Pavlodar jáne Aqmola oblysynyń kásipkerleri qatysty. О́ńirlik bıznes-forýmy barysynda О́ńirlik damý mınıstrligi kásipkerlikti damytý komıtetiniń tóraıymy Ǵalııa Joldybaeva «Bıznestiń jol kartasy-2020» baǵdarlamasy ózgeriske ushyramaıtynyn, sonymen qatar údemeli ındýstrıaldy-ınnovasııalyq damý baǵdarlamasy boıynsha sýbsıdııalaý memleket tarapynan 10 paıyz deńgeıinde usynylatynyn jetkizdi. Jıynda óz pikirin bildirgen pavlodarlyq Format Mach Company jaýapkershiligi shekteýli seriktestiginiń dırektory Aleksandr Iаnbýlatov: «Shara der kezinde uıymdastyrylyp otyr. Bizge qosymsha naryqtardyń basym baǵyttary qyzyǵýshylyq týdyrady. Mysalǵa bizdiń kásipkerlik buryndary temir jol qurylǵylaryn shyǵarýmen aınalysty. Bul strategııalyq sala. Bizdiń oıymyzsha, memlekettiń qatysýyna keminde 5-7 jyl qajet. Osydan keıin ǵana erkin naryq týraly sóz qozǵaýǵa bolady. Sodan keıin ǵana naqty artyqshylyqtar men paıda kórine bastaıdy. Jáne de osy oraıda Reseı men Belarýs kásipkerlerimen tikeleı básekeles ekenimizdi bir sátke de esten shyǵarmaýymyz qajet», – dedi. Al jıynǵa qatysqan Soltústik Qazaqstan oblysy ákiminiń orynbasary Erlan Áýkenov: «Búginge deıin 105-teı jobany qolǵa aldyq. Eger 5 jyl ishinde Indýstrııalandyrý kartasyna 37 mlrd teńgelik 31 joba engizilse, qazirgi tańda bul kórsetkish 105-ke jetip, sonyń 15-i maquldanyp, naqty iske kiristi. Olardyń quny jalpy eseppen 200 mlrd. teńge shamasynda. Biz san jaǵynan birinshi besjyldyqqa qaraǵanda 3 esege kóbeıttik. Al sapa jaǵynan tipti 6-7 eselik ósim bar», – dedi. Joldybaı Bazar. Derekkóz: Strategy2050.kz. Foto: «QazAqparat».