Shyǵys Qazaqstan oblysy Ulan aýdanyna jańa ákim taǵaıyndaldy

ASTANA. 9 shilde. Prezıdent ákimshiliginiń kelisimimen jáne Shyǵys Qazaqstan óńiriniń basshysy Berdibek Saparbaevtyń ókimimen Baqytjan Baıahmetov Ulan aýdanynyń ákimi bolyp taǵaıyndaldy. Bul týraly «QazAqparat» habarlady. Baqytjan Baıahmetov 1970 jyldyń 29 tamyzynda Aıagóz qalasynda týǵan. 1992 jyly Qazaq aýyl sharýashylyǵy ınstıtýtyn ınjener-elektrık, 2008 jyly Almatydaǵy Ortalyq Azııa ýnıversıtetin ekonomıst mamandyqtary boıynsha bitirgen. Eńbek jolyn 1992 jyly «Altaıenergo» mekemesi Aıagóz elektr torabynyń ınjeneri bolyp bastaǵan. 2002 jyly «VK REK» jabyq aksıonerlik qoǵamynyń Aıagóz aımaqtyq dırektory, 2004 jyldyń mamyrynan Aıagóz aýdandyq elektr jelisiniń basshysy boldy.  2004 jyldyń jeltoqsanynan Borodýlıha aýdany elektr torabynyń bastyǵy, Aıagóz aýdany ákiminiń orynbasary boldy. 2008-2009 jyldary «Dana-Aıagóz» jaýapkershiligi shekteýli seriktestiginiń atqarýshy dırektory, 2009 jylǵy aqpan aıynan bastap Mádenıet jáne aqparat mınıstrligi memlekettik satyp alý jáne quqyqtyq jumysty uıymdastyrý basqarmasynyń bastyǵy, 2009 jylǵy sáýirden Mádenıet jáne aqparat mınıstrligi aqparat jáne muraǵat komıtetiniń esep basqarmasy bas sarapshysy, 2009 jylǵy maýsymnan Qorshaǵan ortany qorǵaý mınıstrligi bıýdjettik josparlaý jáne memlekettik satyp alý basqarmasynyń bas sarapshysy, 2009 jylǵy qazannan bastap О́skemen qalasynyń qurylys bóliminiń bastyǵy qyzmetterin atqarǵan. Al 2010 jyldyń qarashasynan bastap osy taǵaıyndaýǵa deıin Aıagóz qalasynyń ákimi bolyp qyzmet etip keldi. Joldybaı Bazar. Derekkóz: «QazAqparat». Foto: «QazAqparat».