Elimizde ekologııalyq dáliz alǵash ret quryldy

ASTANA. 9 shilde. Memleketimizde alǵash ret ekologııalyq «Yrǵyz-Torǵaı-Jylanshyq» dálizi quryldy. Onyń jalpy aýmaǵy 2 mln. gektardy qurap otyr. Bul týraly Kazakhstan today habarlady. Qorshaǵan orta jáne sý resýrstary mınıstrligi tarapynan aıtylǵandaı, bul ekologııalyq dáliz Yrǵyz-Torǵaı tabıǵı qoryǵy men «Altyn dala» (Qostanaı oblysy) aýmaǵyn qamtıdy. Muny qurýdaǵy maqsat – kıikterdi tabıǵı kóshi-qon joldarymen qorǵaý úshin keńistik baılanysyn ornatý jáne olardyń Betpaq daladaǵy sanyn arttyrý. Habarlamada kórsetilgendeı, atalǵan ekologııalyq dálizdi qurý barysynda dalalyq ekojúıe, jer, klımat pen kıikterdi spýtnıktik baqylaý málimetterin paıdalaný eskerilgen. Aıta keteıik, atalǵan dáliz BUU, Jahandyq ekologııalyq qor jáne elimizdiń Orman jáne ańshylyq komıtetiniń birlesken jobasyn iske asyrý aıasynda quryldy.  Bul jumystardyń nátıjesinde dalalyq ekojúıeni saqtaý qamtamasyz etilmek. Joldybaı Bazar. Derekkóz: Kazakhstan today. Foto: azh.kz.