Qorǵanys vedomstvosy áskerı sherýdi ótkizý «bıýdjet qarajatyn únemdeý esebinen, sondaı-aq basqa da mindetterdi sheshý qajettiligine baılanysty» josparlanbaǵanyn túsindirdi.
«Atap aıtqanda, Qazaqstan Qarýly kúshteri bólimsheleriniń jaýyngerlik ázirligi men utqyrlyǵynyń talap etiletin deńgeıin qoldaý basym bolyp sanalady», delingen mınıstrlik habarlamasynda.
Qazirgi ýaqytta qorǵanys vedomstvosy áskerı-patrıottyq is-sharalardy, erekshe kózge túsken áskerı qyzmetshilerdi qurmetteýdi, soǵysta qaza tapqan Qazaqstan jaýyngerlerin eske alý sharalaryn BAQ-ta jarııalaýdy josparlap, ótkizýde.
«7 jáne 9 mamyrǵa oraı uıymdastyrylatyn is-sharalardy ótkizý týraly aqparat mınıstrliktiń aqparattyq resýrstarynda jarııalanady», dep qosty mınıstrlik ókilderi.
