Munaı ónerkásibine jumysqa ornalasý máselesi 2019-jyldan beri kóterilip keledi. Sondyqtan «О́zenMunaıGaz» AQ jáne Jańaózen qalasy ákimdigi birlese qurǵan algorıtmge sáıkes «О́ZENINVEST» JShS, «Tazasý» JShS, «BN» JShS, «О́zenMunaıGaz» AQ kompanııalary búginge deıin 4000-ǵa jýyq azamatty jumyspen qamtyǵan. Al sırek qoldanystaǵy mamandyq boıynsha 146 adam qyzmet etip júr.
Alaıda, Jańaózen qalalyq jumyspen qamtý ortalyǵynyń basshysy Ulbazar Orynbaevanyń aıtýynsha, algorıtmge sáıkes áli de 9996 adam jumysqa ornalasýǵa kezekte tur.
«Qazirgi tańda 9996 adam kezekte turǵanymen onyń ishinde 415 adam jeke kásipker, al 4333 adamnyń zeınetaqy qoryna aýdarymdary úzdiksiz túsip tur. 2603 jumyssyz azamat algorıtmge sáıkes kezekte tur. Jumysqa ornalasqysy kelgen adam aldymen О́zenınvest mekemesinde ýaqytsha qyzmet etip, aýtsorsıng boıynsha «О́zenMunaıGaz» AQ-na turaqty jumysqa ornalasa alady», dedi Ulbazar Orynbaeva.
Jıynda mekeme basshylary óz oılaryn aıtyp, usynystaryn ortaǵa saldy. «О́zenMunaıGaz» AQ basshysy Nurdáýlet Igilikulynyń aıtýynsha, «О́zenMunaıgaz» kompanııasy 10 000-ǵa jýyq adamdy jumyspen qamtyp otyr. Budan artyq adamdy jumyspen qamtý kompanııanyń ekonomıkalyq jaǵdaıyna keri áserin tıgizedi. Sol sebepti «Qazmunaıgaz» UK AQ Basqarma tóraǵasynyń orynbasary Dáýletjan Hasanov aldaǵy ýaqytta áleýmettik jaǵdaıy tómen, jumyssyz jandarǵa algorıtm aıasynda «О́zenMunaıGaz» AQ kompanııasyna qarasty enshiles mekemelerge jumysqa ornalasýǵa usynys bildirdi.
