Birinshi dıvızıonnyń «A» tobynda baq synap jatqan jerlesterimiz jahandyq dodanyń alǵashqy aınalymynda Majarstan hokkeıshilerimen kezdesip, 3:0 esebimen basym tústi. Matchtyń birinshi kezeńinde esep ashylǵan joq. Degenmen, úzilisten keıin Sergeı Starygın shákirtteri alǵashqy 20 mınýttyqtaǵy qatelikterin túzetip, bes mınýttyń ishinde Majarstan qaqpasyna jaýapsyz úsh shaıba soqty. Kezeń bastalǵan bette Ádil Beısembaev (21-mınýt) mergendigimen kózge tússe, 34-mınýtta Artýr Gross qaqpashymen birge-bir shyǵyp, kezdesýdiń esebin eseledi. Arada bir mınýt ótkende Ádil Beısembaev Aleksandr Kımniń pasynan keıin dýbldiń avtory atanyp, matchtyń núktesin qoıdy – 3:0. Jerlesterimiz chempıonattaǵy ekinshi týr oıynyn keshe Japonııa quramasymen ótkizdi. Birinshi týrdan keıin eki ujym da úsh upaımen kósh bastap turǵan edi.
О́kinishke qaraı, Ońtústik Koreıadaǵy qyzdar arasyndaǵy álem chempıonatynda Qazaqstannyń áıelder quramasy barlyq oıynda jeńilip, birinshi dıvızıonnan ekinshi dıvızıonǵa túsip qaldy.
