Myqtylar Shymkentte irikteledi

Shymkent korttarynda jarys qo­jaıyny Qazaqstannan bólek, Aýs­tra­lııa, Qytaı Taıbeı, Gonkong, Úndis­tan, Indonezııa, Malaızııa, Iran, Japo­nııa,­ Ońtústik Koreıa, Qyrǵyzstan, Moń­­ǵo­lııa, Jańa Zelandııa, Taıland, О́zbekstan jáne Vetnamnyń qyz­dar­ quramasy synǵa túsedi. Al erler­ básekesinde Qyrǵyzstan men Mońǵo­lııa­dan basqa elderdiń ókilderi túgeldeı óner kórsetedi.

Elimizde alǵash ret uıym­das­ty­­­rylyp jatqan bul dodada el namy­syn­ byltyr Chehııanyń Prostev qala­synda jalaýy jelbiregen 14 jas­qa deıingiler arasyndaǵy álem chem­pıo­natyna qatysyp, tórtinshi oryn­ǵa taban tiregen ulttyq qurama­nyń­ ókilderi Ámir Omarhanov (Qara­ǵandy) pen Zańǵar Nurlanuly (Túrkis­tan) qorǵasa, úshinshi bos oryn úshin­ Damır Jalǵasbaı (Almaty), Baqtııar Erasyl (Astana) jáne Artem Sıdo­rov (Almaty) talasady. Bul jigit­­terge Sergeı Kvak jetekshilik etedi.

Al Iаroslav Shvedova jattyq­ty­­­­ratyn qyzdar quramasynan Ińkár Dúı­sebaı (Almaty), Polına Slep­so­va­ (Almaty), Arıana Gogýlına (Astana) jáne Anastasııa Krymkova (Taraz) irikteýge qatysady.

Shymkenttegi irikteý saıysynda 16 komanda tórt topqa bólinip, ózara sheberlik baıqasady. Sóıtip, ár topta eń úzdik nátıje kórsetken eki qurama týrnırdiń pleı-off kezeńine shyǵyp, álem chempıonatynyń joldamasyn sarapqa salady. Azııa/Tynyq muhıt aımaǵynan bozbalalar arasynda álem chempıonatyna tórt joldama beriledi, ıaǵnı jartylaı fınalǵa shyqqan komandalar álem birinshiliginiń joldamasyn ıelenedi. Al qyzdar arasyndaǵy saıysta al­ǵash­­qy úsh joldama úzdik úshtikke en­gen­ quramalarǵa berilse, tórtinshi jol­da­maǵa jartylaı fınal­da jeńil­gen­ eki qurama talasady.

«Billie Jean King Cup Juniors» jáne «Davis Cup Juniors» týrnıri – 16 jas­qa ­deıingi jasóspirim tennısshiler ara­syndaǵy eń mańyzdy jarys sana­la­dy. Bul týrnır jyl saıyn álem chem­pıonaty retinde Halyqaralyq ten­nıs federasııasynyń (ITF) uıym­das­­tyrýymen ótkiziledi. Kezin­de­ atal­ǵan­ jarystarǵa álemniń buryn­ǵy jáne qazirgi eń úzdik tennıs jul­dyz­dary­ qatysyp, sheberligin shyńdaǵan.

Atap aıtar bolsaq, búginde «Úlken dýlyǵa» sanatyndaǵy jarystarda san márte daralanyp, tórt­­­­jyldyqtyń eń mańyzdy dodasy­ – Olımpııa oıyndarynda tuǵyr­­dyń bıik satysynan kóringen horva­tııa­lyq­ Goran Ivanıshevıch, amerı­ka­lyq­­tar – Djım Kýre, Maıkl Chang jáne Endı Roddık, nı­der­land­tyq Rıchard Kraıchek, reseı­lik­­ter – Evgenıı Kafelnıkov, Marat Safın, Danııl Medvedev, Andreı Rýblev, brazılııalyq Gýstavo Kýerten, aýstralııalyqtar – Lleıton Hıýıtt, Nık Kırıýs, shveısarııalyqtar – Rodjer Federer, Sten Vavrınka, ıspanııalyqtar – Rafael Nadal, Karlos Alkaras, kanadalyqtar – Denıs Shapovalov, Oje Alıassım, germanııalyq Anke Hýber, fran­sııa­­lyq Amelı Moresmo, reseı­lik qyz­dar­ – Elena Dementeva jáne­ Anas­ta­sııa Myskına, aýs­tra­lııa­lyq­­tar – Elena Dokıch, Eshlı Bartı jáne­ taǵy basqa dańqty tennısshiler de jas­­­óspirim shaǵynda osyndaı dodalarda oınaǵan.

Álem chempıonatynyń irikteý jarystary Shymkent qalasynan bólek, álemniń basqa bólikterinde de uıymdastyrylady. Máselen, Eýropa, Afrıka, Ońtústik, Soltústik jáne Ortalyq Amerıkada irikteý jarys­tary ótip, bıylǵy jahandyq dodaǵa qatysatyn 16 komanda anyqtalady.