Agenttiktiń habarlaýynsha, Erdoǵannyń saılaý aldyndaǵy tyǵyz jumys kestesine baılanysty suhbat keshki ýaqytta bastalǵan. Jýrnalıst bolashaq mınıstrler kabınetindegi ózgerister týraly suraq qoıa bastaǵan sátte tikeleı efır kenet úzildi. Áleýmettik jelide tikeleı efır úzilgen sátte túsirilgen kadrlar tarap ketti. Vıdeodan jótelgen daýys estilgen.
Biraz úzilis ótken soń prezıdent tikeleı efırge qaıta qosylǵan, alaıda moderatordyń eki qysqa suraǵynan keıin habar aıaqtalǵan. Osy rette Erdoǵan efırdi jalǵastyra almaǵany úshin Túrkııa azamattarynan keshirim suraǵan.
«Birinshiden, sizderge densaýlyq tileımin. Keshe jáne búgin saılaýaldy úgit-nasıhat jumystary qyzý júrdi. Tumaý juqtyryp aldym. Tipti «Baǵdarlamany ótkizbeý kerek pe?» dep te oıladym. Biraq biz ýáde bergen soń keldik. Sizderden jáne kórermenderimizden keshirim suraımyn», dedi Túrkııanyń memleket basshysy.
