Tıimdi jańa ádis

Lesson Study ádisi birneshe muǵalimniń sabaqty birlese da­ıyndap, árbir oqýshynyń qa­rym-qabiletine, suranysyna saı bilim berýge baǵyttalǵan. So­ny­men birge muǵalim oqytý­dyń ar­naıy ádistemesin ázir­lep, ony zertteý barysynda úıren­gen tyń tásilderin koýchıng, de­monstrasııalyq sabaq­tar ne­gi­zinde bir-birine úıretedi. Bú­gin­de elimizdiń barlyq mek­te­­bin­de osy tehnologııany úı­rete­tin jattyqtyrýshylar shta­by qurylǵan.

Is-sharanyń ashylýynda Oqý-aǵartý vıse-mınıstri Aıbat Ilııasov jıynnyń mańyzyna toq­talyp, qatysýshylarǵa sát­tilik tiledi. Odan keıin sóz alǵan «Nazarbaev zııatkerlik mek­tepteri» derbes bilim berý uıy­mynyń basqarma tóraǵasy Ánýar Janǵozın atalǵan ádiske arnaıy toqtaldy.

– Qazir bilim salasyna qoıy­latyn talap joǵary. Ásirese ata-ana men oqýshynyń suranysyn qanaǵattandyrý, ǵylymǵa ózge­ris ákele alatyn óskeleń urpaq­ty tárbıeleý mańyzdy. Al osy údeden shyǵý úshin pedagogterden jańashyldyq talap etiledi. Dástúrli bilim berýdi zama­naýı ádis-tásildermen tolyqtyrý­dyń da máni zor. Sonyń biri – Dúnıejúzilik sabaqty zertteý qaýymdastyǵy (WALS) men NIS arasyndaǵy Lesson Study ádisi. Osy metodıka boıynsha muǵalimderdiń nátıjeleri kóńil qýantady. Bul Nazarbaev zııatkerlik mektepteriniń 10 jyl­dan beri otandyq pedagog­termen atqarǵan júıeli jumystarynyń nátıjesi, – dedi ol.

Aıta keteıik, 2015 jyly Na­zarbaev zııatkerlik mektepteri Lesson Study tásilin mektepter­de engizý men muǵalimderdiń bilik­tiligin arttyrý baǵytyndaǵy ke­shendi jumystary úshin Dú­nıe­júzilik sabaqty zertteý qaýym­das­tyǵynyń sarapshylyq keńe­si­ne múshe bolyp, resmı túrde mo­ıyndalǵan. Sóıtip elimiz halyq­aralyq ǵalymdar jáne sarapshylarmen birge álemdik zertteýlerge qatysyp, Lesson Study ádisi boıynsha jetken jetistikterdi tanystyrýǵa múmkindik aldy.

Konferensııaǵa sheteldik sa­­rapshylar da qatysty. Olar­dyń qatarynda Japonııanyń 10-nan asa bastaýysh jáne orta mek­tebiniń damý jónindegi ke­ńesshisi Toshııa Chıchıbý, Ma­laı­zııadaǵy muǵalimderdi daıar­laý ınstıtýtynyń aǵa oqytý­shysy Hasna Abdýla jáne Shot­landııanyń Beızel Peterson kol­ledjiniń zertteýshisi Robert Dýglas Sım bar. Sheteldik jáne otandyq sarapshylar oqytý salasyndaǵy ozyq tehnologııa­lar men álemdik trendter, sondaı-aq Lesson Study jóninde óz oılaryn ortaǵa salyp, qaty­sýshylarǵa dáris oqydy. Al Dú­nıe­júzilik sabaqty zertteý qaýymdastyǵynyń prezıdenti Ketrın Lıýıs onlaın baılanys arqyly elimizdiń atalmysh tehnologııany engizýdegi jetistikterin joǵary baǵalady.

– Sabaqty zertteý – bul kúr­deli úderis. Ol bizden mazmundy tereń zerdeleýdi, áriptester­men jumys isteýdi, oqýshylar­dyń qalaı oqıtynyn muqııat qadaǵalaýdy, qıyndyqtardy je­ńýdi, keıde bizdiń eski oqytý ádisterimizdi ózgertýdi talap ete­di. Sonymen qatar bárimizdiń kásibı bilim berý bazasyn bir­lesip quryp jatqanymyzdy aıǵaqtaıdy. Bul mektepterde muǵalimderdiń «meniń oqýshym» nemese «seniń oqýshyń» degen túsinikti umytyp, oqýshylar­dyń bilimine jaýapkershiliktiń ortaq ekenin eske salady, – dedi qaýymdastyq prezıdenti.

Aldaǵy jyly bas shaharda elimizde sabaqty zertteý tási­lin mektepterge engizý men nátı­jeli jumystar úshin Dúnıe­jú­zilik sabaqty zertteý qaýym­das­tyǵynyń saraptamalyq ke­ńe­simen WALS-2024 halyq­ara­­lyq konferensııasy ótedi. Aýqymdy sharany «Nazarbaev zııat­­kerlik mektepteri» derbes bilim berý uıymyndaǵy Peda­go­gıkalyq sheberlik ortalyǵy uıym­das­tyrady. Ulttyq konferen­sııa – sol halyqaralyq sha­ra­ǵa da­ıyn­dyqtyń bastamasy.