Bıýdjettiń salyq túsimi – 5,7 trln teńge

2023 jylǵy 1 toqsanda shoǵyrlan­dyrylǵan bıýdjet (Memlekettik bıýd­jet+Ulttyq qor) salyq túsimi boıynsha 5 667,3 mlrd teńge, ótken jylǵy uqsas kezeńimen salystyrǵanda 21,4% nemese 998,0 mlrd teńgege ósti. Onyń ishinde:

– Respýblıkalyq bıýdjetke 3 176,7 mlrd  teńge tústi, ótken jylǵy uqsas kezeńimen salystyrǵanda 23,2% nemese 599,1 mlrd  teńgege ósti.

– Jergilikti bıýdjetke 1 293,6 mlrd teńge tústi, 2022 jylǵy uqsas kezeńimen salys­tyr­ǵanda 24,2% nemese 252,0 mlrd teńgege ósti.

– Ulttyq qorǵa 1 197,1 mlrd teńge tústi, 2022 jylǵy uqsas kezeńimen salystyrǵanda 14,0% nemese 146,9 mlrd teńgege ósti.

2022 jyldyń uqsas kezeńimen salys­tyrǵanda respýblıkalyq bıýdjetke túsimniń úshinshi el­derden ımportqa QQS boıynsha 2 ese, ish­ki ón­diris taýarlaryna QQS 21,2%-ǵa, kor­po­ratıvti ta­bys salyǵy 20,7%-ǵa jáne EAEO elderinen ım­portqa QQS 2,0%-ǵa ósýi baıqalady.

Túsimniń ósýine kelesi faktorlar áser etti.

2023 jyly 1 toqsanda byltyrǵy jyldyń uqsas kezeńimen salystyrǵanda altynǵa 0,8% baǵanyń ósýi baıqalady.

Úshinshi eldermen taýar aınalymy 2023 jylǵy 1 toqsanda 13,9%-ǵa ósti (eksport 6,7%-ǵa tómendedi, ımport 1,8 ese ósti).

Sondaı-aq EShF taýar aınalymy 8,8 trln teńgege nemese 27,7%-ǵa ósti.