Mınıstrdiń málimetine súıensek, jalpy 2022 jyldyń qorytyndysy boıynsha azyq-túlik óndirisiniń kólemi 3,9% ósip, 2,9 trln teńge boldy. Bul rette azyq-túliktiń negizgi túrlerin, ósimdik maıy, un, makaron ónimderi, jarma, shujyq ónimderi men qantty óndirý boıynsha ósim baıqalady.
«О́ndirisi tómendegen birqatar ónim bar. Olar negizinen sút ónimderi: sary maı, sút, irimshik jáne súzbe, ashytylǵan sút ónimderi. Kókónisterdiń negizgi túrleri boıynsha biz ishki naryqtyń qajettiligin tolyq qamtamasyz etemiz. Mysaly, 2022 jyly 4,1 mln tonna kartop, 621 myń tonna sábiz, 1,1 mln tonna pııaz jáne 551 myń tonna qyryqqabat óndirildi», dedi E.Qarashókeev
Qys-kóktem mezgilderinde saqtaý qýattylyǵynyń jetispeýine baılanysty naryqta otandyq kókónister usynysynyń tómendeýi baıqalady. Bul naryqta ımporttyq ónimniń ósýine jáne maýsymaralyq kezeńde baǵanyń ósýine ákeledi.
«Bul máseleniń sheshimi - kókónisterdi saqtaý qýatyn arttyrý. Bul otandyq ónimniń bir bóligin maýsymaralyq kezeńde saqtaýǵa jáne satýǵa múmkindik beredi. О́nimniń taýarlyq sıpatyn saqtaı otyryp uzaq merzimdi saqtaýdy qamtamasyz etetin arnaıy jabdyqtary bar zamanaýı qoımalardy salý kezinde ınvestısııalyq salymdardy óteý úlesin 25%-dan 50%-ǵa deıin arttyrý júrgizilip jatyr», dedi Aýyl sharýashylyǵy mınıstri.
