Halyqaralyq shahmat federasııasynyń jańartylǵan reıtıngi boıynsha 19 jastaǵy qazaqstandyq Bıbisara Assaýbaeva blıs kategorııasy boıynsha álemniń úzdik shahmatshylary tiziminde joǵarylady. Ol 2461 upaı jınap, FIDE reıtınginiń besinshi satysyna kóterildi. Sonymen qatar Bıbisara blıs sanatyndaǵy álemniń eń myqty 20 shahmatshysynyń ishindegi eń jas shahmatshy.
Bıbisara Asaýbaevanyń bul kórsetkishi onyń álemdik shahmat arenasyndaǵy sońǵy jetistigimen baılanysty boldy. Ol eki jyl qatarynan blıs boıynsha álem chempıony atandy. 2023 jyly Nıý-Delıde (Úndistan) ótken Gran-prıde B.Asaýbaeva úzdik úshtiktiń tiziminde boldy. Odan keıin Qazaqstan men álem quramalary arasyndaǵy kezdesýde Bıbisara tórt dúrkin álem chempıony, áıelder arasyndaǵy FIDE reıtınginiń kóshbasshysy qytaılyq Hoý Ifandy eki ret utty.
20 sáýirde Sport jáne mádenıet mınıstri Ashat Oralov B.Asaýbaevaǵa Qazaqstan Respýblıkasynyń eńbek sińirgen sport sheberi joǵary ataǵyn berdi. Ol bul ataqqa ıe bolǵan tuńǵysh qazaq shahmatshysy boldy.
