Iаroslava Shvedova jetekshilik etetin 16 jasqa deıingi qyzdar quramasy toptyq kezeńniń birinshi oıynynda Vetnam tennısshilerinen 3:0 esebimen basym tússe, ekinshi matchta Iran quramasyn dál sondaı eseppen jeńip, merziminen buryn shırek fınalǵa shyqty. Al toptaǵy sońǵy matchta Japonııa qyzdaryna 2:1 esebimen jol berdi.
Jerebe qorytyndysyna sáıkes, otandastarymyz shırek fınalda Qytaılyq Taıbeı quramasymen sheberlik baıqasty. 2 saǵat 34 mınýtqa jalǵasqan alǵashqy matchta Anastasııa Krymkova qarsylasyn 5:7, 6:3, 7:5 esebimen jeńse, ekinshi básekede Polına Slepsova da taıbeılik tennısshini 6:0, 6:2 esebimen qapy qaldyrdy. Sóıtip, bul synda da el quramasy merziminen buryn jeńiske jetip, jartylaı fınalǵa joldama aldy. Qyzdarymyz jartylaı fınalda Aýstralııa komandasymen kezdesedi.
