Baǵany baqylaý tetigi

Azyq-túlik baǵasynyń sharyqtaı berýine baılanysty jýyrda osy qyz­­mettiń qanshalyqty tosqaýyl qo­­ıyp jatqanyn bilmek nıetpen Sol­­tústik Qazaqstan oblysyndaǵy de­partamentiniń basshysy Marlen Hamzınge jolyqqan edik.

2022 jyldy tutastaı alǵanda departament áleý­met­tik mańyzy bar azyq-túlik taýarlaryn qant, taýyq jumyrtqasyn kóterme satý, kómir naryǵy, avtokólikke ar­nal­ǵan munaı ónimderi, suıytylǵan gaz satý, t.b. baǵalar bo­ıyn­­sha 39 taldaý jasaǵan eken. Aýyl sharýashylyǵy ónimderiniń ishinen qaraqumyq jarmasynyń, bar­lyq sa­nat­taǵy taýyq jumyrtqasy men makaron ónimderiniń baǵasyna 8 tal­daý júrgizgen. Sondaı-aq otyn sú­regin kóterme jáne bólshek saýdada satý, sanıtarlyq qyzmetter kórsetý, skrınıngtik zertteýler qyzmetteriniń baǵasyna da sholý jasaǵan.

Búgingi tańda naryq sýbektilerin básekelestik tártipke yntalandyra­tyn jaǵdaılar jasalǵan, soǵan súıen­gen monopolııaǵa qarsy organ es­kertýlerge júgi­ne alady, al naryq sýbek­ti­leri bu­zý­­shylyqtardy joıý, báseke­les­tik­ti qal­py­na kel­tirý boıynsha min­det­te­me­ler­di óz er­kimen qabyldaı alatynyn aıta ketken jón.

Júrgizilgen taldaýlardyń nátı­je­leri boıynsha monopolııaǵa qarsy organ 2022 jyly 46 habarlama ja­sap­ty, onyń 44-i tolyq kólemde oryn­­dalǵan.Mysaly, «Qant-SK» JShS jáne «Kozlova N.A.» JK-ge qant baǵasyn belgileý men qol­daýda kórsetilgen buzýshylyq belgi­leriniń bar ekendigi týraly habar­la­ma berilgen. Osy eki habarlama tolyq kólemde oryndalyp, «Qant SK» JShS qanttyń baǵasyn 333 teńgeden 313 teńgege, ıaǵnı 6%-ǵa, al «Kozlova N.A.» JK qant baǵasyn 333 teńgeden 316 teńgege deıin, ıaǵnı 5%-ǵa tómendetken. Sondaı-aq «Ber­kat» JShS, «Bogatyrskıı prodýkt «Sever» JShS, «Petropavl nan-toqash kombınaty-dıirmen» enshiles uıymy» JShS kebek baǵasyn belgileý kezinde kelisilgen is-áreketter bóliginde buzý­shy­lyq belgileriniń bolýy týraly habarlamalar engizilgen eken, olar eskertýdi eskerip, kebektiń baǵasyn bir tonna ónim úshin bylaı tómendetken:

- «Berkat» JShS 70000 teńgeden 57000 teńgege deıin;

- «Bogatyrskıı prodýkt «Sever» JShS 80000 teńgeden 50000-77000 teńgege deıin;

- «Petropavl nan-toqash kombınaty-dıirmen» enshiles uıymy» JShS 68000 teńgeden 57000 teńgege deıin;

Al ústimizdegi jyldyń aqpan aıyn­da «Sultan» AQ-na naryqtaǵy ústemdik jaǵdaıyn paıdalanyp óz ónim­derin negizsiz satpaǵandyǵy úshin eskertý berilgen, osydan keıin kásip­oryn óziniń mindetin dereý tolyq oryn­daǵan.

Sonymen qatar departament byltyr astyrtyn sóz baılasý arqy­ly qatysýshylar medısınalyq jaraq­­tardy memlekettik satyp alý kon­kýr­­sy­nyń qorytyndysynda «RA» JShS-na, sondaı-aq tuqymdy sarap­taý qyzmeti boıynsha konkýrsta «Zerno­AgroEksport» JShS-na jeńisti alyp bergendigin anyqtaǵan. Osy ister bo­ıyn­sha qazir sot úderisteri júrýde. Al birinshi kategorııaly ju­myrt­qa sa­týmen aınalysatyn «Fır­ma Alekra» JShS men «Ádil qus» JShS-na qarsy baǵany anyqtaý men ustaýda buzý­shy­lyq­qa jol bergeni úshin 2 tergep-tek­serý isi qozǵalǵan. Onyń qory­tyn­dysy boıynsha osy eki ká­siporyn ákim­shilik jaýapkershilikke tartylyp, aıyp­pul tóledi.

Soltústik Qazaqstan oblysy aýma­ǵyn­da avtokólikterge suıytylǵan gaz sa­tatyn «Roka», «Raıgaz», «Prom­gaz», «Al-NUR Gaz» JShS-na qa­tys­ty oblys prokýrorynyń bergen uıǵa­ry­myna sáıkes tekseris júr­gi­z­ilip, osy kásiporyndardyń buzý­shylyq jasa­ǵa­ny anyqtalǵan, sonyń ná­tı­je­sin­de ákimshilik jaýap­ker­shi­likke tartylyp, bári de aıyppul tóle­di, artyq tabystary qaıtaryp alyndy.

Barlyq tekseristerdiń nátı­je­­sin­de monopolııaǵa qarsy organ 132 mln teń­ge­niń aıyppulyn sal­ǵan, onyń negizgi bóligi qazirdiń ózin­de bıýdjetke túsken. Agenttiktiń bıyl­ǵy ju­mys jos­paryna sáıkes «Sol­­tústik-Qa­zaqstan ákim­diginiń mýnı­­sıpaldyq tele­radıo­ka­na­ly» JShS, «Karat-Prog­noz» JShS, Petropavl qalasynyń tur­ǵyn-úı qyzmeti» JShS básekelestik ortaǵa beriledi. Marlen Hamzınniń aıtýy­na qaraǵanda BQDA departamenti qoldan kelgeninshe básekelestikti arttyrý isine qamqorlyq jasap keledi. So­nyń bir mysalyna kedergilermen kúres keńesiniń, ıaǵnı kraýdsorsıng alań­ynyń qurylǵanyn aıtýǵa bolady. Onyń quramyna azamattyq qoǵam músheleri, kásipkerler, «Atameken» UKK ókilderi jáne monopolııaǵa qarsy kúres organynyń qyzmetkerleri engen. Byltyrǵy 7 otyrysynda keńes Mem­le­kettik satyp alý jáne Kásip­ker­lik ko­deksine kóptegen ózgertýler men túzetýler usynǵan edi.

Soltústik Qazaqstan oblysy