BUU baǵdarlamasy Mańǵystaýda júzege asady

Munaıly Mańǵystaýdyń damýynan tys, aımaqta ekologııa, halyq densaýlyǵy, kún men jel energııasyn paıdalaný, bıznesti órkendetý sekildi baǵyttarda budan da qarqyndy jumys júrgizýge, jetispeı turǵan tustardy az ýaqyt ishinde qalypqa keltirýge bolady. Birikken Ulttar Uıymynan kelgen delegasııa osylaı dep, birlese jumys jasaý úshin óz baǵdarlamalaryn usyndy. BUU-nyń bul usynysyn qabyl alǵan Mańǵystaý oblystyq ákimdigi ózara birlesken jańa baǵdarlamany ashý maqsatynda ekijaqty kelisimge qol qoıdy. Birlesken baǵdarlama BUU-nyń UNDP – Birikken Ulttar Uıymynyń Damý baǵdarlamasy, UNESCO – Bilim, ǵylym jáne mádenıet máseleleri jónindegi birikken ulttar uıymy, UNFPA – BUU Halyq salasyndaǵy qory, UNHCR – BUU Bosqyndar isi jónindegi joǵarǵy komıssarynyń basqarmasy, UNICEF – Birikken Ulttar Uıymynyń Balalar qory, UN Women – BUU Genderlik teńdik jáne áıelderdiń quqyǵy men múmkindikterin keńeıtý máseleleri jónindegi qurylymy jáne WHO –Dúnıejúzilik densaýlyq saqtaý uıymy syndy jeti agenttiktiń bilikti mamandary keńesimen júzege asady. – Mańǵystaý oblysy qarqyndy damý ústindegi jáne tarıhı kóne es­kert­kishterge toly ólke. Osy es­kert­kishterdi álemdik deńgeıde BUU-nyń murasyna engizýge bolady. Oblys ákimdigimen birlese júze­ge asy­ratyn baǵdarlamamyzdyń ma­q­saty – jarqyn bolashaqty birlese ja­saý. Baǵdarlamada jasyl ekonomıka­ny damytý, turǵyndar densaýlyǵyn jaq­sartý, kásipkerlikti órkendetý, – dep tanystyrdy baǵdarlama barysyn BUU turaqty úılestirýshisi Stıven Týll. Aýyldyq jerlerde jańa kásipker­likti damytýdy júzege asyryp, kishi granttarmen qamtamasyz etetin  tetikterdi qurýǵa Qazaqstan Respýb­lı­kasy Úkimetimen birge áreket etetin olar balalar densaýlyǵy, jynysty jáne reprodýktıvti densaýlyq, juq­paly emes aýrýlardyń aldyn alý jáne emdeý, ózine ózi qol jumsaý, turmystaǵy zorlyq-zombylyqty boldyrmaý baǵ­dar­lamalarynan quralǵan BUU-nyń eń úzdik degen halyqaralyq standarttar men praktıkalardy ákelemiz dep otyr. Sondaı-aq, aýyl sharýashylyǵy, sý men energııany únemdeý, tabıǵı apatty azaıtý jáne tótenshe jaǵdaılarǵa daıyndalý tájirıbeleri de nazardan tys qalmaq emes. Bastaǵan sharýalarynyń sátti júzege asýy úshin otandyq sarapshylardy jáne halyqaralyq mamandardy baǵdarlamaǵa qatystyryp, semınar-trenıngter uıymdastyrý josparlanǵan. Qazirgi tańda elimizdiń Qyzylorda, Shyǵys Qazaqstan oblystarynda júzege asyryla bastaǵan baǵdarlama úsh jyldan soń óz nátıjesin bere bastaıdy eken. Baǵdarlamany usynýshylar Mańǵystaý oblysynda aımaqtyń áleýmettik-ekonomıkalyq, ekologııalyq salasyn damytýdy kózdeıdi, sondaı-aq, densaýlyq salasy jáne jastar máselesimen aınalyspaq. Bul saladaǵy kemshin tustarǵa kóz jetkizý úshin Mańǵystaý oblystyq densaýlyq saqtaý basqar­masymen qoıan-qoltyq jumys júrgizý­di qalaıdy. Salamatty ómir týraly aqparattardy, medısınalyq qyz­met kórsetýdi analar men jastarǵa qoljetimdi etýdi óz jumystarynyń basym baǵyttary sanaıdy. – Jasyratyny joq, Qazaqstanda analar ólimi jıi oryn alady. Bul kókeı­kesti máselege únemi ınfra­qu­ry­lymnyń nemese joǵary medı­sınalyq jabdyqtardyń jetispeýshiligi sebep bola bermeıdi, keı jaǵdaılarda dári­gerlerdiń naýqasqa degen qarym-qatynasynan da másele týyndap jatady. Emdelýshiniń ońalýyna dárigerdiń kútimi, ózine degen qarym-qatynasy úlken psıhologııalyq áser etetindigi anyqtalǵan. Biz osy máselege nazar aýdara otyryp, Mańǵystaý medısınasyna Shveısarııanyń medısınalyq júıesin engizýdi oılaımyz, – deıdi UNFPA-BUU Halyq salasyndaǵy qorynyń dırektory N.Botev densaý­lyq saqtaý salasy boıynsha jasalatyn jumystar jóninde. Mańǵystaýda BUU baǵdarlamasyn usynýshy delegasııa Mańǵystaý obly­synyń ákimi A.Aıdarbaevpen kezdesip, ekijaqty kelisimge qol qoıdy. Gúlaıym ShYNTEMIRQYZY, «Egemen Qazaqstan». AQTAÝ. Sýretti túsirgen Serik MAIEMEROV.