«Qazir Ekibastuz qalasynyń 5,3 km jylý jelilerin qaıta jańartýǵa 9 064 380 myń teńge kóleminde qarajat bólindi. Sonymen qatar Pavlodar oblysynyń ákimdigi men «Ortalyq Azııa elektr energetıkalyq korporasııasy» AQ arasynda jaýapkershilikti jergilikti atkarýshy organmen bólý bóliginde memorandýmǵa qol qoıdy. Ekibastuz JEO-nyń sý jylytý jáne energetıkalyq qazandyqtaryn jóndeý boıynsha qajetti jumystardyń tizbesi aıqyndaldy.
Memorandým sheńberinde JEO-nyń 5 sý jylytý qazandyǵy (№ 11 - 15) jáne 3 energetıkalyq qazandyq (№ 6, 7, 8), sondaı-aq qosalqy jabdyqtar, menshik ıesimen tepe-teń negizde shamamen ǵımarattardy jóndeý jumystaryn 15 mlrd teńge somaǵa júrgizý boıynsha is-sharalar ázirlendi», delingen resmı jaýapta.
Sondaı-aq ýákiletti memlekettik organ oblys ákimdigimen birlesip, qarjylandyrýdy uıymdastyrý maqsatynda 5 sý jylytý qazandyǵynda jóndeý jumystarynyń esepteýlerin júrgizip jatqanyn aıtqan.
Budan basqa, jylýmen jabdyqtaýdyń temperatýralyq kestesin saqtamaýyna baılanysty «Ekibastuzteploenergo» JShS 2022 jylǵy qarashadan bastap 2023 jylǵy naýryzdy qosa alǵanda jylý energııasy úshin qaıta esepteý júrgizgen.
Sondaı-aq aksıonerlerdiń esebinen 2022 jylǵy jeltoqsanda jáne 2023 jylǵy qańtarda tutynýshylarǵa normatıvtik tutynýǵa sáıkes tutynylǵan elektr energııasy úshin ótemaqy jasalǵan. Bul rette 2023 jyldyń aqpan jáne naýryz aılary úshin ótemaqyny jasaý máselelerin jergilikti atqarýshy organ jáne «OAEK» AQ pysyqtaýda.
«Jalpy, joǵaryda atalǵan jumystar Úkimettiń baqylaýynda jáne qalany aldaǵy jylytý maýsymyna tolyqqandy daıyndaýdy qamtamasyz etý boıynsha qajetti sharalar qabyldanyp jatyr», delingen jaýapta.
